تر بل هر حکومت پر تعلیم زیاتې پیسې لګوو. بابت لالا
د بلوچستان ځنګلاتو، څارویو او چاپېریال لپاره د اعلا وزیر سلاکار عبیدالله جان بابت وايي، چې د پښتونخوا ملي عوامي ګوند، نېشنل پارټۍ او مسلم لیګ ن ګډ حکومت د تېرو دوو کلونو په موده کې په صوبه کې د بنیادي پرمختايي ډانچې جال غوړولو دی چې ټول ولس به یې له ګټو برخمن شي. نوموړی د سېشنبې ورځ »د می ۲۶مه نېټه» دلته د مشال راډيو پراګ سټوډیو ته راغلی وو چې زموږ همکار قاسم خان مندوخېل ورسره د بلوچستان حکومت پر لاسته راوړنو او نیمګړتیاو خبرې کړې. له بابت لالا په سر کې وپوښتل شول چې د بلوچستان اتحادي حکومت لویې ننګونې څه دي او پر هغو یې څومره قابو موندلی دی؟