د افغانستان امنیتي چارواکي وايي چې د افغان حکومت د لومړي مرستيال رشید دوستم د وژلو هڅه يې شنډه کړي ده.
د افغانستان د ملي امنيت ریاست وايي، د ولسمشر پر لومړي مرستيال عبدالرشيد دوستم د هيواد په شمالي ولایت جوزجان کې د وژلو هڅه شنډه شوې ده.
د افغانستان د ملي امنيت په وینا، دوی پرون يو کس نيولی چې د بزکشۍ په لوبه کې یې د برخې اخيستو پر مهال د خپل آس په شا کې بم پټ کړی و. د بزکشي لوبه د نوروز د ميلې پر مناسبت کېده.
د ښاغلي دوستم د دفتر څخه په خپره شوې اعلاميه کې ويل شوي چې دغه بريدګر غوښتل د لوبې په ترڅ کې بم وچاودي.
