عوامي نیشنل ګوند مې پر ډېورنډکرښې پرېښود. کاسی
د عوامي نیشنل ګوند ولي ډلې مرکزي جنرل سیکرټري او د عوامي نیشنل ګوند پخوانی صوبايي صدر اورنګ زیب کاسی وايي، شاوخوا ۴۲ کاله چې يې د کوم سیاسي ګوند تر بېرغ لاندې سیاست کړی وو، هغه ګوند يې د ډيورنډ کرښې له وجې پرېښود. ښاغلی کاسی زیاتوي، د اې اين پي مشر اسفندیارخان دوي ته وویل، چې ډېورنډ کرښه اوس په قبر کې ښخه شوې، او دوي نور پاکستانی سیاست کوي. د کاسي په خبره تردې وروسته يې پرېکړه وکړه، چې له دې ګوند سره څلوېښت کلنه ملګېري ختمه کړي. له سیاستوال اورنګ زیب کاسي سره په کوټه کې زموږ خبریال خدای نور ناصر د مشال مرکه کړې، چې ستاسو پام ورته راګرځوو