کابل: په افغانستان کې د ولسمشريزو ټاکنو د دویم پړاو د ټولو شاوخوا اته میلیونه رایو د پلټنو بهیر تر څلرویشت ساعتونو وځنډول شو.
د ولسمشرۍ د دواړو کاندیدانو ډاکټر اشرف غني احمدزي او ډاکټر عبدالله عبدالله د انتخاباتي ډلو غړو د دې پخلی دی.
ټاکل شوې وه چې د رایو د پلټو دا بهیر د شنبې په ورځ د کابل پر وخت سهار اووه بجې پیل شوی وای.
د دې ځنډ لامل دا دی چې د ډاکټر عبدالله عبدالله د انتخاباتي ډلې غړي د رایو د پلټنو بهیر څارلو لپاره نه وو ورغلي.
ډاکټر عبدالله عبدالله د انتخاباتي ډلې غړو مشال د شنبې په ورځ مشال راډیو ته وویل چې دوی ځکه په دې بهیر کې له ګډون ډډه کړې چې شرطونه یې نه دي منل شوي.
د یادې ډلې ویاند سيد فاضل سنچاراکي د پنجشبې په ورځ مشال راډیو ته وویل چې د ملګرو ملتونو له خوا په وړاندې کړل شوې تګلاره کې د دوی غوښتنو ته پام نه دی شوی.
د یادونې وړ ده چې په افغانستان کې د ولسمشرۍ د انتخاباتو په لوړي پړاو کې ډاکټر عبدالله عبدالله ډېرې رایې اخیستې وې او په دویم پړاو کې ډاکټر اشرف غني احمدزی وړاندې شو.
ډاکټر عبدالله عبدالله تور لګوي چې د دوی په وینا ، د دویم پړاو پر مهال ورسره درغلۍ شوې دي خو نه د افغانستان د انتخاباتو خپلواک کمیشن او نه هم ډاکټر اشرف غني احمدزی دا تور مني.
