پاکستان وايي، هغه رپورټ ((بې بنسټه)) دی چې ګواکې د هیواد استخباراتي اداره د اسامه بن لادن په پاکستان کې له موجودیته خبره وه.
دا خبره، تېرې پنجشنبې پر ورځ په اسلام اباد کې د بهرنیو چارو وزارت ویاندې تسنیم اسلم د اوونیزې خبري غونډې پر وخت وکړه.
په نیویارک ټایمز ورځپاڼه کې خپور شوی رپورټ وايي، د پاکستان ای اېس ای د هغه وخت مشر جنرال شجاع پاشا د القاعده وژل شوي مشر اسامه بن لادن له پټنځایه خبر وو. امریکايي ځانګړو ځواکونو د ۲۰۱۱ز کال د مې پر دویمه اسامه بن لادن په اېبټ اباد کې وواژه.
