دپاکستان جنګي الوتکو بیګا شپه د جنوبي وزیرستان په بوبړ، شکتوي او لدا سیمو کې د طالبانو پر مرکزونو بمباري کړې ده.
نن سهار د امنیتي ځواکونو چارواکو مشال ریډیو ته وویل، دې هوايي بریدونو کې له شلو تر دېرشو پورې وسله وال طالبان وژل شوي دي.
د استخباراتي ادارو ځنې چارواکي بیا د وژل شویو وسله والو شمېره لس تنه ښوولې.
چارواکي زیاتوي په بیګاني برید کې د شمالي او جنوبي وزیرستان پر پوله پروت شوال کې هم د وسله والو مرکز په نښه کړل شوي دي.
د طالبانو ذرایعو هم د دې بمبارۍ تصدیق کړې خو د مرګ ژوبلې ادعاوې یې رد کړي او ویلي یې دي چې وسله وال د خطرې له وجې شپه له خپلو مرکزونو بهر تېروي.