د ماینونو شنډولو مسلکي ښوونځی پرانستل شو
د افغانستان د کورنیو چارو وزارت د امنیتي ځواکونو د مرګ ژوبلې د کمولو په مقصد د پولیسو اکاډمۍ په چوکاټ کې د ماینونو شنډولو مسلکي ښوونځی پرانست.د دې وزارت چارواکو وویل، له دې ښوونځي څخه به هرکال شپیته کسان د یوې شپږ میاشتنۍ روزنیزې دورې د پاې ته رسیدو وروسته فارغیږي.د کورنیو چارو وزارت چارواکي وایي، د هېواد په اوسنیو شرايطو کې امنیتي ځواکونه تر ډیره د ماینونو او چاودیدونکو موادو له خطر سره مخامخ دي.د افغانستان د کورنیو چارو وزارت د ملکي او پوځي تلفاتو د کموالي په مقصد د پولیسو د اکاډمۍ په تشکېل کې د انجینیرې مسلکي ښوونځی پرانیست.