د شمالي کوریا مشر کیم یونګ ایل ومړ
د شمالي کوریا ګوښه مشر کیم یونګ ایل مړ شو. نن د ګل ورځ ددغه هیواد د دولتي ټلویزیون خبر ویونکې په ژړا ژړا د هغه د مړيني خبر وايه او تورې جامې یې اغوستې وې. هغې د خبر ورکولو په مهال وویل چې زه یو ویرلړلی خبر درکوم چې زموږ ستر مشر کیم یونګ ایل د سفر پر مهال له ناڅاپې ناروغۍ ومړ. له دې هیواد ه رپوټونه وايي چې په ۶۹ کلن کیم یونګ ایل په اورګاډي کې د سفر پر مهال په ۱۷ ډسمبر د زړه دوره راغلې او مړ شوی دی. ویل کیږي چې پر نوموړي په ۲۰۰۸م کال کې هم د زړه یوه دوره راغلې وه.