د خضدار سیمې د لیویز چارواکي وايي يو خراب شوی مړی ورته په لاس ورغلی، چي وروسته يې پيژندګلو د خبریال نصیررند په نامه وشوه.
نوموړی يوه میاشت مخکې له حب سیمي لادرکه شوی وو. چي اوس يې مړی و موندل شو.
د بلوچستان د خبریالانو اتحادیې تېر ماښام د نصیر رند د وژنی پر ضد مظاهرې وکړې او له حکومته یی غوښتي چې ککړ کسان دی و نیول شي او پر ضد دې کاروایي وشي.
له دې وړاندې په صوبه کې ۱۴ خبریالان په هدفي وژنو، او داسې نورو بریدونو کې وژل شوي دي چې د خبریال نصر رند په وژنه سره یې شمېره ۱۵ هغو ته ورسېده.
په بلوچستان کې له تېر څه باندې یو نیم کال راهیسې د تېښتول شویو کورونیو غړي د خپلو خپلوانو د راخوشي کېدو د کوټې پریس کلب مخې ته احتجاجي کیمپ هم لګولی دی خو اکثره د هغوی مړي د وژل کیدو وروسته غورځول کېږی.
په بلوچستان کې دوه ورځې وړاندې هم د اوو بلوڅانو مړي موندل شوی دي چې د بیلا بیلو بلوڅملتپالو ډلو پورې تړاو لري.
بلوڅملتپالي ددغه وژنو ذمه واري د پاکستان پر استخباراتي ادارو اچوي چې دوی د دوی په خبره هغوی ته د خپلواکه بلوچستان د غوښتلو د مبارزې او جهدوجهد سزا ورکول کېږي خو د پاکستان اتخبارات د دوی داتورونه ردوي.