د لاسرسي ځای

کندهار: ټرافیکي پېښې ۳۵ وژلي


په کندهار کې خلک مړي او ژوبل شوي کسان روغتون ته رسوي.
سید شاه سقیم، مشال راډیو


کندهار
- د کندهار-کابل پر لويه لاره له مساپرو يو ډک موټر نن سهار وختي کندې ته لوېدلى دى چې له امله يې ګڼ شمېر کسان مړه او زخميان شوي دي.

د کندهار د ټرافيکو رياست چارواکي وايي چې پېښه د شنبې پر سهار (د پیشلمي مهال) د کندهار کابل پر لويه لاره په دامان ولسوالۍ کې شوې ده چې پکې تر اوسه پورې ۳۵ تنه مړه او ۲۶ ټپيان شوي دي .
د شپې له لس کم درو بجو، موټر له کندهار ښار څخه د کابل پر لور حرکت کړى دى . د دامان ولسوالۍ ته چې رسېدلى په مړوندي مانده سيمه کې يوې کندې ته لوېدلى دى . تر اوسه پورې ۳۵ تنه مړه او ۲۶ ټپيان دي . ما چې سيمه وليده د موټر سرعت زيات دى او موټر چلوونکى ويده شوى؛ ځکه يې موټر کندې ته غورځولى دى.


چارواکي وايي چې له مساپرو يو ډک موټر چې کابل ته روان وو د جمعې او د شنبې تر منځ د شپې پر مهال، د درو بجو په شا و خوا کې د کندهار د دامان ولسوالۍ په مړوندي مانده سيمه کې له سړکه ښوېدلى؛ او کندې ته لوېدلى دى .

د کندهار د ټرافيکو رياست رييس محمد الله خان مشال راډيو ته وويل چې پېښه د موټر چلوونکي د بې پروايي له امله شوې ده: (( د شپې له لس کم درو بجو، موټر له کندهار ښار څخه د کابل پر لور حرکت کړى دى . د دامان ولسوالۍ ته چې رسېدلى په مړوندي مانده سيمه کې يوې کندې ته لوېدلى دى . تر اوسه پورې ۳۵ تنه مړه او ۲۶ ټپيان دي . ما چې سيمه وليده د موټر سرعت زيات دى او موټر چلوونکى ويده شوى؛ ځکه يې موټر کندې ته غورځولى دى.))

په کندهار کې د ټرافیکي پېښې پر مهال ۳۵ وژل شوي

خو د کندهار د عامي روغتيا رييس عبدالقيوم پخلا بيا په پېښه کې د وژلو شويو کسانو شمېره کمه ښيي . دى وايي: (( پېښه په دامان ولسوالۍ کې شوې ده تر اوسه پورې ۲۰ تنه مړه او ۲۶ ټپيان دي . ))

د چارواکو په خبره، په پېښه کې مړه شوي او زخمي شوي کسان ټول عام مساپر دي چې له کندهار څخه کابل ته روان ول .

په پېښه کې زخمي شوي کسان دا مهال، د کندهار ميرويس روغتون ته لېږدول شوي دي چې پکې د ځېنو روغتيايي حالت د اندېښنې وړ ښودل شوى دى .

تر دې وړاندې هم د کابل- کندهار پر لويه لار ورته ټرافيکې پېښې شوې دي؛ چې زياتې يې د موټر چلوونکيو د ګړندي تګ او بې پروايي له امله پېښې شوې دي .

د مشال ویډیوګانې، انځورونه

انځورونه، ویډیوګانې

تفصیل...
XS
SM
MD
LG