له اسلام اباد او راولپېنډۍ څخه خیبر پښتونخوا ته تلونکي وايي، د اختر له راتګ سره د ګاډو کرایې لوړې شوې دي. دوی وايي، دویمه ستونزه دا ده چې په اسانۍ ګاډي هم نه پیدا کېږي چې دوی پر وخت کور ته ورسي. د مساپرو ستونزو په اړه ویډیو وګورئ.
د بلوچستان وکیلانو د جون پر درېیمه، د سپریم کورټ قاضي فایز عیسا په اړه په حکومتي وینا د سترې عدلي شورا قضیې پیلولو پر ضد په کوټه کې کاربندیز وکړ
د پېښور مالګې منډۍ د "ګوند کتيرې" شربت ډېر نوم لري. شربت جوړوونکی سني عثمان وايي، دا د صحت لپاره خورا ښه دی. دی وايي، په روژه کې د ګوند کتیرې شربت زیات خرڅېږي. خو دا شربت څنګه جوړېږي؟ ځواب یې په ویډیو کې.
په سوات کې ګڼ خلک تر روژه ماتي وروسته بازار ته ځي او د اختر لپاره شیان اخلي. په دوی کې ماشومان هم شامل دي چې رنګارنګ شیان اخلي خو میندې او پلرونه یې وايي، ګراني خورا زیاته شوې. په دې ویډیو کې مو د سوات یوه بازار ته ورولو.
د هلمند د سولې ولسي حرکت وياند بسم الله وطندوست وايي، غواړي د سولي پيغام هغو خلکو ته ورسوي چي د طالبانو تر ولکې لاندې سيمو کې دي. يو کال وړاندې د دې حرکت په پيل کې طالبانو موسی کلا ته د سولي د ولسي حرکت د غړو مخه ونيوه. دوه شپې وړاندې له لښکرګاه د موسي کلا پر لور په پښو حرکت وکړ.
د کتاب ټولنې غړي وایي، تراوسه یې له ۲۱ زرو زيات د ازادې مطالعې او د ښوونځیو تعلیمي کتابونه راټول کړي او غواړي چې د ښوونځيو پر زده کوونکو او کتابتونو باندې يې ووېشي. ویډیو راپور: صادق رښتینی اېډېټ: تمیم اخګر
د خېبر پښتونخوا په چارسده کې موڅیان وايي، کوچني اختر ته یې پوره تیاریاني کړې ده او خلک د چارسدوالو څپلیو اخیستلو لپاره له لرې سیمو ورځي. په دې اړه د شبیر احمد جان ویډیويي رپورټ وګورئ.
د افغانستان په ننګرهار ولایت کې د یوې مرمۍ چاودنې د یوې کورنۍ د اوو ماشومانو پښې پرې کړي دي. د دوی په کلي کې نېږدې ښوونځی نشته خو دوی بیا د ډېرو کړاوونو برسیره خپلو زده کړو ته دوام ورکوي. ویډیو: اې اېف پي ايډيټ: هدایت سلطاني
د ننګرهار ولايت نياز بي بي ۳ زامن او ۳ لمسيان داعش ووژل. دې ته ۴۰ يتيمان پاتې شول. هغه وايي خاوند یې په بچو پسې ړوند شو. نیاز بي بي سره حکومت مرسته نه کوي او د خلکو په کومک ماشومان ساتي. خو سره له دې هم د سولې ارمانجنه ده او وايي طالبان او دولت دې سوله وکړي.
د سېنېټ د یوې ځانګړې کمېټۍ مشر محمد علي سیف ویلي، هڅه کوي چې د شمالي وزیرستان د ډزو تر پېښې وروسته پیدا شوې ستونزې د خبرو له لارې هوارې شي. نوموړی د مې ۲۹مې پر ماخوستن په پېښور کې د پښتون ژغورنې غورځنګ ناستې ته ورغلی وو او هلته یې له مشال راډیو سره خبرې وکړې چې تاسې یې په ویډیو کې لیدلای شئ.
په انګلېنډ کې د کرکټ نړيوال جام سيالۍ کېږي. لومړۍ لوبه د انګلېنډ او جنوبي افريقا ترمنځ روانه ده. د کرکټ نړيوال جام پرانستو دستوره د چارشنبي په ورځ په لندن کې وشوه. ويډيو : اسوشيېټېډ پرېس ايډيټ: ګل اياز
د ایران مرضیه ابراهیم یو له هغو کسانو ده چې تېزاب ورباندې پاشل شوي وو. مرضیه د انصاف په تکل کې ده او غواړي چې نور کسان له تېزابو پاشل کېدو اغیزمن نه شي.
نور پورته کړئ
زه مشال راډیو ته اجازه ورکوم چې ما ته زما پر تبصرې د غبرګون یا ځواب راستولو لپاره زما برېښلیک پته وکاوري
