د نيو زيلېنډ وزيراعظمه وايي، ټول هېواد له مسلمانانو په غم شريک کې دی. بلخوا د جمعې ورځې مشکوک بريدګر عدالت ته وړاندې کړل شو. اخوا په ټول هېواد کې خلکو د پېښې قربانيانو ته د عقيدت پېرزوينې وړاندې کړې.
په هند کې هندوان خپل مذهبي مېله هولي لمانځي. د هند په شمالي ښارګوټې بارسانه کې د هولي مراسم پېل شول.
د مارچ پر ۱۵مه د پېښور باچا خان مرکز کې د پښتو ژبې نومیالی شاعر او انځورګر غني خان ۲۳ تلین ولمانځل شو چې پکې د عوامي نېشنل ګوند د مشرانو په ګډون د صوبې له بېلا بېلو سیمو لیکوالانو، شاعرانو او ادیبانو ورغلي ول
د نیو زیلېنډ رسنۍ وايي، د ډزو پېښه د مارچ پر ۱۵مه له النور جمات سره نېږدې شوې. په پيښه کې ۴۰ کسان وژل شوي دي. د رويټرز ويډيو ګل اياز وړاندي کوي
د مارچ پر ۱۴مه، په اسلام اباد کې د افغانستان د سولې پر خبرو یو ورځنۍ غونډه وشوه. د غونډې ځېنو ګډونوالو مشال راډیو ته وویل، د امریکا او طالبانو خبرې ښايي مثبتې نتیجې ولري. د افغانستان د ملي جبهې مشر انوار الحق احدي وايي، دی هیله من دی
د خیبر پښتونخوا د سوات په بريکوټ کې د ارمان لوڼي څلويښتۍ په اړه غونډه شوه چې پکې د سیمې مشرانو له حکومته د ارمان لوڼي د وژنې مقدمې درجولو او پښتنو ته د خپلو حقونو ورکولو غوښتنه وکړه. په اړه یې ویډیويي رپورټ وګورئ.
د افغانستان په فاریاب ولایت کې په یوه پارک کې ښځو په برقعو کې ورزش کړی دی. د سیمې چارواکي وايي، د ښځو د ورزش لپاره ځانګړی ځای نه لري. د ولایت ځېنې اوسېدونکي وايي، د ښځو دا کار د کلتور ضد دی. ویډیو وګورئ.
د مارچ پر ۱۳مه، د پاکستان په بېلا بېلو ښارونو کې د محمد ابراهیم ارمان لوڼي څلوېښتمې مراسمو غونډې او لاریونونه وشول. ګڼ خلک سهار وختي په کلا سیف الله کې د نوموړي قبر ته ورغلل
د خیبر جمرود پرېس کلب مخې ته د پښتون ژغورنې غورځنګ پلویان د خپلو دوو مخکښو ثنا اعجاز او ډاکټر سید عالم مسود په مشرۍ راټول شوي ول او وروسته د خیبر دروازې ته ولاړ او هلته یې د خپل کاروان د وژل شويمبارز د ارمان لوڼي د څلوېښتمې په مناسبت ویناګانې وکړې. د ډیوه راډيو ویډيو
د پاکستان کراچۍ ښار کې ددې هېواد د فيشن تر ټولو ستره درې ورځنۍ ننداره د مارچ پر ۱۲ مه نېټه پیل شوه. د هېواد وتلي ډيزاينران به خپلې جوړې جامې نندارې ته وړاندې کوي. لومړۍ ورځ د پاکستان مشهور برانډ ثنا سفيناز ته ځانګړې شوې وه.
د پاکستان په سرښار اسلام اباد کې د فنا کېدو له خطر سره د مخامخ هنرونو درې ورځنی ملي نندارتون دوام لري. د نندارتون موخه د فنا کېدو له خطر سره مخامخ هنرونو او لاسي صنايعو ته وده ورکول او ډاډګيرنه ده. راپور او ايډيټ: احمد شاه اعظمي ويډيو: عمران يونس
د پاکستان د بهرنيو چارو وزير ډاډ ښودلی چې د افغانستان د سولې مذاکرات پر سم لور روان دې. شاه محمود قریشي د مارچ پر ۱۱ مه نېټه د اسلام اباد په سفر ورغلي له خپل جرمني سيال سره د خبرې غونډې پر مهال داخبره وکړه.
نور پورته کړئ
زه مشال راډیو ته اجازه ورکوم چې ما ته زما پر تبصرې د غبرګون یا ځواب راستولو لپاره زما برېښلیک پته وکاوري
