د خېبر پښتونخوا چترال سيمه کې د کالاش قبيلې خلک وايي د دوي ودونه د هلک او جينۍ په خوښه کېږي چې وروسته يې د کورنۍ غړي هم ومني. دوی وايي دا خبره صحيح نه ده چې کالاشي جيني او هلک د واده لپاره تښتي. په دې اړه د نيازاحمدخان ويډيويي راپور وګورئ.
د خيبر پښتونخوا دره ادم خيلو کې د سکرو کانونو کې ګڼ شمېر کان کېندونکې په داسي حالاتو کې کار کوي چې هره ورځ له خطر سره مخامخ وي.
نن سهار د پېښور په صدر بازار کې يوې چاودنې شپږ کسان ژوبل کړل. د ژوبل کسانو علاج د پېښور په لېډي ريډڼګ روغتون کې روان دی. د پېښې په ځای کې د پېښور پوليسو مشر قاضي جميل الرحمان او د بم شنډولو د څانګې مشر شفقت ملک له رسنيو سره د پېښې په اړه خبرې کړې چې تفصيل يې د ځلاند يوسفزي په ويډيو کې وګورئ.
د پاکستان وزیراعظم عمران خان د جنورۍ پر څلورمه په انقره کې له ترک ولسمشر رجب طيب اردوغان سره ليدنه کې د دوه اړخيزه اړيکو په شمول د افغان سولې بهير په اړه خبرې کړې دي.
د امريکا د کانګرېس د استازو جرګې ۱۱۶مه غونډه د جنوري پر دريمه وشوه. د روان ۲۰۱۹م کال په لومړۍ غونډه کې د ډيموکراټ ګوند نېنسي پېلوسي د جرګې د مشرې په توګه لوړه وکړه. د دې غونډې د کتلو لپاره يو شمېر ماشومان هم ورغلي ول.
د خېبر پښتونخوا د صوابۍ اسما سهېل د سترګو نظر دومره کم دی چې ليک لوست په نه شي کولی خو بيا یې هم په پوهنتون کې لومړې مقام تر لاسه کړی دی. نوموړې د صوابۍ په پوهنتون کې د قانون څانګې زده کونکې ده. په دې اړه ویډیويي رپورټ وګورئ.
افغانستان په هغو اتو هېوادونو کې شامل دی چې د ۲۰۲۰ کال شل اووريز کرکټ نړيوال جام ته په مستقيم ډول وتلی دی. اوه نورې لوبډلې پاکستان، هند، انګلېنډ، اسټريليا، جنوبي افرېقه، نيوزيلېنډ او ويسټ انډېز دي. په دې اړه د اې اېف پي ویډیو هدایت سلطاني او بشیر ګواښ اېډیټ کړې ده.
د نړې په بېلا بېلو برخو کې د ۲۰۱۹م کال د پېل جشنونو په اړه د رويټرز ويډيويي راپور له اسرار عالم مومنده اورو.
د نړۍ پر بېلا بېلو هېوادونو سربېره د ۲۰۱۹م کال خوشحالۍ د متحده عرب اماراتو په دوبۍ کې هم ولمانځل شوې. د نوي کال د هرکلي په موخه د دوبۍ پر برج خلیفه بېلا بېلو رنګونو نڅاوې وکړې چې ګڼ نندارچیان هم ورغلي ول. په دې اړه د رویټرز خبري اژانس ویډیو ظفرخان اېډیټ کړې ده.
د پښتو ژبې نامتو سندرغاړی لطیف ننګرهاری وايي د سندرو ويلو له کبله يې د کورنۍ غړو وهل هم ورکړي خو د هغه په وینا اوس چې مشهور شوی نو کورنۍ يې خوشحاله ده. له نوموړي سره اسحاق خان اميري مرکه کړې. د دې مرکې په وروستۍ برخه کې ننګرهارۍ د خپل هنر په اړه معلومات ورکوي.
۲۰۱۸ز کال پای ته په رسېدو دی او ۲۰۱۹ز کال پیلېږي. دا کال هم د تېرو نورو په څېر له لویو خبرونو او پېښو ډک وو. په ۲۰۱۸ز کال کې په پاکستان، افغانستان، سیمه او نړۍ کې د بریدونو او انتخاباتو په ګډون یو شمېر سیاسي بدلونونه راغلل
د خیبر د باړې ۲۶ کلن شېر عالم اپریدی شاوخوا دوه کاله مخکې له کوره ووت او په ناقانونه توګه اروپه ته روان شو. کورنۍ یې وايي، د ۲۰۱۷ز کال په مارچ کې هغه ایران کې وو چې ورسره یې رابطه پرې شوه.
نور پورته کړئ
زه مشال راډیو ته اجازه ورکوم چې ما ته زما پر تبصرې د غبرګون یا ځواب راستولو لپاره زما برېښلیک پته وکاوري
لېږل
