د عوامي نېشنل ګوند د یو پخواني مشر ارواښاد عزیز ماما تلین په کوټه کې ولمانځل شو. د غونډې پر مهال مشرانو د ماما پر ژوند او هڅو رڼا واچوله او هغه یې د خدايي خدمتګار غورځنګ له مخکښو مشرانو او د باچاخان د نږدې ملګرو څخه وګڼلو. د مشال همکار ایوب ترین پرې له کوټې ویډیويي راپور جوړ کړی دی.
د پېښور په مرکز اسلامي کې د یوې جرګې پر مهال د جماعت اسلامي ګوند مشرانو او نورو قبایلي مشرانو له مرکزي حکومته غوښتنه وکړه چې پر فاټا اصلاحاتو دې زر تر زره عمل وشي او قبایلي سیمې دې په خېبر پښتونخوا صوبه کې شاملې کړل شي. نور تفصیل په دې ویډیو کې چې د مشال خبریال شبیرجان جوړه کړېده.
په پېښور کې د قبايلي سيمو د اصلاحاتو لپاره د يوې غونډې پر مهال خيبر پښتونخوا کې د قبايلي سيمو د شاملولو ملاتړو او د دغه کار مخالفينو تر منځ تاوتريخوالی رامنځته شو. د غونډې پر مهال د قبايلي سيمو ځينو مشرانو د اصلاحاتو لپاره شوو وړانديزونو پاڼې وشلولې.
په بلوچستان کې د دسمبر پر دویمه نیټه د معذورانو نړيواله ورځ ولمانځل وشوه چې په کې معذورانو له حکومته په سرکاري محکمو کې د خپلو حقونو غوښتنه وکړه. په دې اړه د ایوب ترین ویډیويي رپورټ وګورئ.
د پښتونخوا ملي عوامي ګوند لخوا د پښتون مبارز عبدالصمد خان اڅکزي د ۴۳م تلين په مناسبت د دسمبر پر دویمه د کراچۍ په باچاخان چوک يوه لويه غونډه وشوه چې پکې د یاد ګوند د صوبايي چارواکو ترڅنګ عام ولس په ګڼ شمېر کې ګډون وکړ. په دې اړه د محمد عمران ویډیويي رپورټ وګورئ.
د پښتونخوا ملي عوامي ګوند مشر محمود خان اڅکزي د غونډې برخوالو ته په خپله وینا کې وویل چې له افغانستان سره د روغې پرته نه پاکستان او نه دا سیمه د پرمختګ پر لور تللی شي.
له بریتانوي ښکېلاکه د نیمې وچې د آزادۍ اخیستلو یوه وتلي مبارز خان عبدالصمد خان اڅکزي ۴۳ تلین د دسبمر په دویمه نېټه په پښین ښارګوټي کې په یوه لویه ولسي غونډه کې ولمانځل شو. د تلین لمانځغونډې ته د پښتونخوا ملي عوامي پارټۍ مشر محمود خان اڅکزي وینا د ایوب ترین په ویډيو راپور کې
د قبایلي سیمې د دره ادم خېل ابشا اپرېدۍ چې ګوزڼ ناروغۍ معذوره کړې ده وايي، د روغتیايي د سهولتونو د نشتوالې له امله معذوران له ډېرو ستونزو سره مخامخ دي.هغې له حکومته د معذورانو لپاره د پوره پاملرنې غوښتنه وکړه.
د دسمبر ۳مه نېټه په نړۍ کي د معذورانو نړیوالې ورځې په توګه لمانځل کېږي او د هغوی د حقونو لپاره اواز پورته کېږي. په پېښور کې د معذاورنو یوه مرکز مشر سید محمد الیاس وايي دا وخت په پاکستان کې نېږدې ۳۰ میلیونه وګړي په یوه نه بله بڼه معذوران دي. له نوموړي سره د مشال راډيو خبریال غلام غوث خبرې کړې.
د خېبر پښتونخوا په مرکز پېښور کې د ای سي ار سي ادارې د پښتونخوا او قبایلي سیمو د معذورانو ورځ ولمانځله. په پاکستان کې د حلال احمد یو استازی چې معذوره هم دی له حکومته د نړۍ نورو هېوادونو غوندې په پاکستان کې هم د معذورانو لپاره د پاملرنې غوښتنه وکړه. د مشال راډيو ویډیو
د خیبر پښتونخوا په پېښور کې د اېډز په رنځ اخته ظهور خان وايي شپږ کاله پخوا یې مېرمن هم د ايډز ناروغۍ له وجې مړه شوې وه. د مشال راډيو خبریال ځلاند یوسفزي ورسره مرکه کړې.
د بریتانوي ښکېلاګرې واکمنۍ پر ضد او د پښتنو د خپلواکۍ مبارز عبدالصمد خان اڅکزي ۴۳ تلین لمانځل کېږي. نوموړی په ۱۹۰۷ز کال کې زیږېدلی وو او د ښوونځي له اتم ټولګي څخه یې د بریتانوۍ واکمنۍ پر ضد مبارزه پیل کړې وه چې له کبله یې هغه تر ۳۰ کلونو زیاته موده په زندانونو کې تېره کړې وه. نوموړی د ۱۹۷۳ز کال د ډ
نور پورته کړئ
زه مشال راډیو ته اجازه ورکوم چې ما ته زما پر تبصرې د غبرګون یا ځواب راستولو لپاره زما برېښلیک پته وکاوري
لېږل
