د لاسرسي ځای

افغانستان

Calendar

افغان امنیتي چارواکي وايي، لومړنۍ نښې نښانې ښيي چې د کندهار حمله له افغانستانه د باندې پلان شوې وه.

د افغانستان د ملي امنیت ریاست وايي، د امنیتي اورګانونو ګډ لوړرتبه پلټنې پلاوی د متحده عربي اماراتو او د څېړنې لپاره د نړیوالو امنیتي ځواکونو د ګومارل شویو پلټنې ټیمونو په همکارۍ په کندهار کې هر اړخیزو تحقیقاتو ته دوام ورکوي.

د ملي امنیت د ریاست په یوه خبرپاڼه کې ویل شوي چې لومړنۍ نښې ښيي چې دا برید له افغانستانه د باندې د کوټې ښار ته په غځېدلې لاره کې د مولوي احمد کندهاري په مدرسه کې پلان شوی و.

حسیب ادعا کوي چې دا مدرسه د ځانمرګي افرادو د روزنې مرکز دی.

په همدې حال کې د کندهار د والي ویاند صمیم خپلواک تېره شپه ناوخته مشال راډیو ته وویل چې درې پلاوي پلټنو ته دوام ورکوي.

خپلواک: په دې اړه څېړنې روانې دي.

خپلواک: په دې اړه څېړنې روانې دي.

نوموړي زیاته کړه:

"د څېړونو لپاره له کابله ټیمونه راغلي دي، اوس فعلاً په څېړنو بوخت دي، د عربي متحده اماراتو یو پلاوی هم په دې اړه څېړنې کوي، خو ویلای نه شوي چې دغه څېړنې به څومره وخت ونیسي."

خپلواک په عین حال کې د پلاوو د پلټنو د نتیجې په اړه بې خبري څرګنده کړه، ویې ویل چې لا تحقیقات بشپړ شوي نه دي.

د کندهار د والي ویاند د ولسمشر د سلاکار داود ګلزار په مشرۍ کندهار ته د تللي پلاوي د هدف په اړه وویل:

خپلواک: د داؤد ګلرزار په مشرۍ یو بل پلاوی هم په دې اړه څېړنه کوي.

خپلواک: د داؤد ګلرزار په مشرۍ یو بل پلاوی هم په دې اړه څېړنه کوي.

"د ولسمشر د سلاکار داود ګلارزار په مشرۍ یو ګډ پلاوی هم تېره ورځ کندهار ته راغلی، په دغه پلاوي کې د دفاع، کورنیو چارو، د ملي امنیت عمومي ریاست او لویې څارنوالۍ غړي شامل دي."

د یکشنبې په ورځ د افغانستان ولسمشر محمد اشرف غني د پاکستان لوی درستیز قمر جاوید باجوه ته وویل چې د کندهار د حملې په شمول وروستۍ حملې هغو وسله والو سخت دریځو کړي چې په پاکستان کې مرکزونه لري او پاکستان یې په وړاندې اقدام نه کوي.

د پاکستان لوی درستیز دا بریدونه وغندل او له افغانانو سره یې خواخوږي څرګنده کړه.

باجوه ویلي چې د دغه هېواد پوځ بې توپیره د ټولو تروریستانو پر ضد عملیات کوي.

د تېرې سې شنبې په ورځ د کندهار ولایت په مېلمستون کې د چاودنې په نتیجه کې د دغه ولایت د مرستیال والي او د متحده عربي اماراتو د ۵ ډیپلوماټانو په شمول ۱۲ تنه ووژل شول.

دا په داسې حال کې ده چې د کابل، هلمند ځانمرګي بریدونو مسؤلیت وسله والو طالبانو په غاړه واخیست، خو د کندهار د پېښې مسؤلیت تر دا مهاله کومې وسله والې ډلې په غاړه نه دی اخیستی.

د دوشبنې په ورځ د افغانستان او متحده عربي اماراتو د کرکټ ټیمونو د صحرا جام تر سیالۍ وړاندې د کندهار، کابل او لښکرګاه د وروستیو ترګریو حملو د قربانیانو په یاد یوه دقیقه چوپتیا غوره کړه.

د افغانستان د کورنیو چارو وزیر تاج محمد جاهد

د افغانستان د کورنیو چارو وزیر تاج محمد جاهد

د افغانستان د کورنیو چارو وزیر ډاډ ورکوي چې افغان امنیتي ځواکونه به په راتلونکي پسرلي کې له وسله والو مخالفانو د مخامخې جګړې لپاره بشپړ چمتووالی ولري.

د افغانستان د کورنیو چارو وزیر ډاډ ورکوي چې افغان امنیتي ځواکونه به په راتلونکي پسرلي کې له وسله والو مخالفانو د مخامخې جګړې لپاره بشپړ چمتووالی ولري.

تاج محمد جاهد د دوشنبې په ورځ په کابل کې د پولیسو له اکاډمۍ څخه د ۴۵۰ افسرانو دفراغت په مراسمو کې وویل چې د ژمي په موسم کې د جګړې په جبهاتو کې د وسله والو فعالیتونه کم شوي دي.خو ښاغلي جاهد وویل چې وسله وال تر ډيره په ښارونو کې انفجاري او انتحاري حملو ته زور ورکړی.

د افغانستان د کونیو چارو وزیر وایې چې په راتلونکو درېوو میاشتو کې به ترډېره د افغان ځواکونو پیاوړتیا او د احضاراتو د کچې لوړولو لپاره هڅې وشي.

دا په داسې حال کې ده چې په تېرو څو اونیو کې د افغانستان په مرکز کابل او یو شمېر ولایتونو کې د بمي بریدونو له کبله لسګونو کسانو ته مرګ ژوبله اوښتې ده. دغو بریدونو په کور دننه او بهر د خلکو اندېښنې راپارولې دي.

نور پورته کړئ

XS
SM
MD
LG