د لاسرسي ځای

افغانستان

دوشنبه ۲۰ فبروري ۲۰۱۷

Calendar

د ننګرهار د بېلابېلو ولسواليو په سلګونو قامي مشرانو، دیني عالمانو او مدني فعالانو د یوې غونډې په ترڅ کې له دولته وغوښتل چې د ننګرهار په سرحدي ولسواليو د پاکستاني ملېشې له خوا د راکټي بريدونو مخه ونیسي.

د ننګرهار د بېلابېلو ولسواليو په سلګونو قامي مشرانو، دیني عالمانو او مدني فعالانو د یوې غونډې په ترڅ کې له دولته وغوښتل چې د ننګرهار په سرحدي ولسواليو د پاکستاني ملېشې له خوا د راکټي بريدونو مخه ونیسي. دوی وايي که پاکستان د دوی په حریم بریدونه ونه دروي، نو دوی به د خپلو سرحدي پوليسو سره اوږه په اوږهله خپلې خاروې څخه دفاع ته وکړي.


د ننګرهار د بېلابېلو ولسواليو په سلګونو قامي مشران، ديني عالمان او مدني فعالان د یکشنبې په ورځ د جلال اباد ښار شاهي ماڼۍ ته ورټول شوي ول او له حکومت نه يې وغوښتل چې په لالپورې، ګوشتې او نازیانو ولسواليو د پاکستاني ملېشو د راکټي بريدونه مخه ونیسي.

د ننګرهار ولایتي شورا غړي اجمل عمر وویل، که د پاکستاني ملېشو توغونديز بریدونه دوام ومومي، ولس به د خپلو سرحدي ځواکونو ملا ورتړي.


(( زموږ ولس د خپلې خاورې او د خپل وطن نه څلوېښت کاله وشول چې قرباني ورکوي او دا نن هم قربانۍ ته تیار دی. که چېرته دا لړۍ دوامداره شي، نو د ننګرهار ولس قربانۍ ته تیار دی.))

د ننګرهار د ويښ ځوانانو ټولنې مشر حاجي عزیز خوږياڼي هم وايي چې دوی د خپلو خاورې د دفاع په خاطر هرې قربانۍ ته چمتو دي.

(( موږ دې ته تیار یو، که د تبلیغیانو غوندې نغده اراده وکړو، همدا اوس یو ساعت وخت راکړئ، ۱۰۰۰ نفر به د ولایت مخې ته برابر وي او موږ به د خپل وطن دفاع ته په مېړانې سره ځو.))


د دوی د غوښتنو پر وړاندې د ننګرهار والي محمد ګلاب منګل وویل، مرکزي دولت هڅه کوي چې د سفارتي او ډيپلوماټیکو لارو دې مسلې ته د حل لاره وموي.


(( د بل کور ته چې اور اچوې، نو ستا کور به هم سوزي. نن چې په پاکستان کې څه کيږي، دا د دوی د خپلو تېرو اعمالو او د دوی د بد نېت نتیجې دي چې نن يې ويني. سره له دې چې ولسمشر د جرمني په سفر بوخت و، له موږ نه يې غوښتي چې موږ به ټول د همسایه توب، د نړيوالو اړیکو او همدا رنګه د بین الدول د ټولو اصولو په رعایت سره به موږ اجرات کوو.))

د افغانستان په ختيځ کې د ۳۰۱ سرحدي کنډک قوماندان محمد ایوب حسین خیل وايي، د دوی سرحدي ځواکونهبه په صفري نقطه کې د خپلې نه دفاع کوي.


(( ولس ته او د افغاستان حکومت ته ډاډ ورکوم چې يو سرحدي پوليس ژوندی وي، هيچا ته به اجازه ورنه کړي چې زموږ يوه لوېشت خاوره تر پښو لاندې کړي، اشغال يې کړي او زموږ په خاوره کې دوی پیاده دخول وکړي، مطمین اوسئ، دا اجازه چا ته نه ورکوو.))


د ننګرهار چارواکي وايي چې د تېرو درېو ورځو راهیسې په لالپوره، ګوشتې او نازیانو ولسواليو د پاکستاني ملېشو له لوري نېږدې څلور سوه توغونديز او راکټي بريدونه شوي چې له امله يې څلور تنه ماشومان ټپيان شوي او څه باندې درې سوه کورنيو خپل کورونه پرېښي دي.

یاده دې وي چې پاکستاني رسنيو د دغه هېواد د چارواکو له خولې ویلي چې په کومو سيمو چې دوی توغونديز بریدونه تر سره کوي، هلته د پاکستان د دولت وسله وال مخالفین پټنځایونه لري، خو د ننګرهار چارواکي په پاکستانيو رسنيو کې خپاره شوي بیانونه ردوي.

ولسمشر غني پرون شپه د مونشن یا مونیخ نړیوال امنیتي کنفرانس ته د وینا په وخت د افغانستان جګړه یوه پېچلې او د دولت له دولت سره نا اعلان شوې جګړه یاده کړه او زیاته‌یې کړه چې دا هېواد په یوه کورنۍ نه بلکې پېچلې جګړه کې ښکېل دی.

د افغانستان ولسمشر محمد اشرف غني ویلي هېواد یې په یوه نا اعلان شوې جګړه کې بوخت دی.

ولسمشر غني پرون شپه د مونشن یا مونیخ نړیوال امنیتي کنفرانس ته د وینا په وخت د افغانستان جګړه یوه پېچلې او د دولت له دولت سره نا اعلان شوې جګړه یاده کړه او زیاته‌یې کړه چې دا هېواد په یوه کورنۍ نه بلکې پېچلې جګړه کې ښکېل دی.

هغه وویل چې افغانستان د جګړې په لومړۍ کرښه کې دی او له شلو ترهګرو ډلو سره مبارزه کوي.

ولسمشر غني چې له رادیکال افراطیت او ترهګرۍ سره پر مبارزې یې خبرې کولې، د افغانستان د روانې جګړې پېچلتیا داسې بیان کړه:

دا د دولت سره د دولت نا اعلان شوې جګړه ده

"دا یوه کورنۍ جګړه نه‌ده، دا د مخدره موادو جګړه، د ترورېزم جګړه او همداراز له دولت سره د دولت نا اعلان شوې جګړه ده."

له دولت سره د دولت نا اعلان شوې جګړه چې ولسمشر غني ترې یادونه وکړه په څه هدف ده کوم دولت یادوي؟

په افغانستان کې د ناټو پخوانی سلاکار محمد شفیق همدم چې اوس په «واشنګتن ډي سي» کې مېشت دی د دې پوښتنې ځواب داسې ورکړ:

​"دوی له درېیو هېوادونو په اندېښنه کې دي، لومړی د پاکستان له مستقیمو مداخلو نه بیا ایران او اوس وینو چې ان روس هم په یو ډول د افغانستان په چارو کې لاسوهنې کوي، په همدې سبب ښاغلی غني هم په دې باور دی چې دا جګړه نه یوازې د افغانستان په وړاندې بلکې د افغانستان د متحدینو او په خاصه توګه د امریکا په وړاندې ده."

په افغانستان کې د ناټو ځواکونو د قاطع ملاتړ ماموریت عمومي قوماندان جنرال جان نېکلسن د روانې فبرورۍ په ۹ نېټه د امریکایي سینټ د پوځي خدماتو کمېټې ته په افغانستان کې د پاکستان، ایران او روس په لاسوهنو اندېښنه څرګنده کړه.

ولسمشرغني د پرون ماښام په وینا کې دا هم وویل چې په هلمند، کابل او کندهار کې وروستۍ حملې او همداراز د پاکستان په لاهور او سند کې برېدونو دا په ډاګه کړه چې د ښه او بد ترهګر تر منځ توپیر نه‌دی موجود.

ولسمشر غني زیاته کړه:

تر هغو چې د ښه او بد ترهګر تر منځ توپیر پاتې وي، موږ ټول بایلونکي یو

"تر هغو چې د ښه او بد ترهګر تر منځ توپیر پاتې وي، موږ ټول بایلونکي یو، خو که چېرته دا توپیر ونه‌کړو او راپورته شو او د خپلو پوځیانو په همکارۍ دا کولای شو چې دا پدیده له‌منځه یوسو."

د افغان ولسمشر د وینا تر پای ته رسېدو څو شېبې وروسته د پاکستان دفاع وزیر په یوه بله شننونکې غونډه کې برخه واخیسته.

خواجه محمد اصف په سیمه کې د سولې ټینګښت لپاره د کابل او اسلام‌اباد په ګډو هڅو ټینګار وکړ:

​"زه له افغان ولسمشر سره موافق یم چې ښه او بد طالبان نشته، ټول‌یې بد دي، ترهګر که په هر نوم وي بد دی، پاکستان په افغانستان کې د سولې او ثبات لپاره د روانو هڅو بشپړ ملاتړ کوي."

افغانستان تل پاکستان تورن کړی چې د سولې په برخه کې په خپلو ژمنو نه‌دی ولاړ.

افغان ولسمشر د کابل، کندهار او هلمند د حملو په اړه ویلي و چې عاملان‌یې په پاکستان کې ازادانه ګرځي.

خو د پاکستان دفاع وزیر تېره شپه په خپله وینا کې په شمالي وزیرستان کې پر مخالفینو د پاکستاني پوځیانو د ۲۰۱۴ کال "ضرب عضب" عملیاتو یادونه وکړه او ویې‌ویل چې هغوی یې ځپلي او پټنځایونه‌یې له‌منځه وړي دي.

د مونیخ دا کنفرانس هر کال په فبرورۍ میاشت کې د څه باندې ۴۵۰ لوړپوړو پرېکړه نیوونکو مشرانو په ګډون جوړېږي چې دا یې ۵۳ دور و.

صفي‌الله ستانکزی

نور پورته کړئ

XS
SM
MD
LG