پلوشه

د پلوشې خپرونې پاڼې ته ښه راغلاست.

دا خپرونه هره اوونۍ د قبایلي سیمو، خیبر پښتونخوا، د بلوچستان پښتون مېشته سیمو او پر پوله پرتو د افغانستان سیمو د ښځو په ژوند، ژواک، ټولنیز حیثیت، د دوی د بریاوو او د دوی په حقونو بحث کوي.

په دې خپرونه کې په پښتني ټولنه کې د ښځو د رول په اړه هم د چارو له کار پوهانو، له ښځو او د بشري او ښځو د حقونو د سازمانونو له غړو او کار پوهانو سره په ګڼ شمېر مسلو خبرې کېږي.

دا خپرونه د مشال راډیو فرخنده وزیر هره اوونۍ جوړوي.

د خپرونې تازه او پخوانۍ برخې دلته اورېدای شئ.

تاتره

د (تاتره) خپرونې پاڼې ته ښه راغلاست.

دا د مشال راډیو اوونیزه ادبي، کلتوري او هنري خپرونه ده چې په کې له شاعرانو، ادیبانو، ټولنیزو شخصیاتو، هنر مندانو او نومیالیو پښتنو سره د هغوی په ژوند، اند او لیکلو، چاپ یا نا چاپو اثارو، هنري نمونو یا ټوټو، او مجموعو خبرې کېږي.

دا خپرونه د هرې دوشنبې په ورځ د پېښور په وخت د مازیګر په څلور، او د کابل په وخت په درې نیمې بجې په ژوندۍ بڼه خپرېږي.

په دې خپرونه کې اورېدونکي د ټیلي فون او موبایل ټیلي فون پیغامونو په وسیله ګډون کولای شي او له مېلمه پوښتنې کولای شي.

د دې خپرونې کوربه نجیب عامر دی.

د تاترې ټولې تازه او پخوانۍ برخې پر دې پاڼې میندلای او اورېدای شئ.

زما کور زما کلی

د (زما کور، زما کلی) خپرونې پاڼې ته ښه راغلاست.

پښتانه په افغانستان، د پاکستان په قبایلي سیمو، خیبر پښتونخوا، د بلوچستان په پښتون مېشته سیمو، کراچۍ او د پاکستان په ځېنو نورو صوبو او سیمو کې خپاره پراته دي. دوی له مودو راهیسې له یو بل، د بېلا بېلو وجوهاتو په اساس، لرې پاتې شوي دي. زما کور، زما کلی خپرونه د دې پښتنو تر منځ د مجازي رابطې یوه وسیله ده. وسیله په دې شکل چې یو خو پښتانه زیاتره په کلیوالو سیمو کې اوسي، او بل دا چې که د خوست په ولایت کې د یوه وړوکي کلي اوسېدونکي ته وویل شي چې د صوابۍ په یوه کلي کې هم هسې دود دستور دی او کلیوال ژوند یې د خوست کلي ته ورته دی نو دا دواړه کلي له یو بل سره د ورته والي او پښتونولۍ په اساس وتړل شي، سره یې رابطه وي.

که په لنډو ټکو کې وویل شي، نو زما کور، زما کلی د پښتنو د کلیوال ژوند انځور یا تصویر جوړوي.

دا خپرونه د پښتنو په کلیو کې د غم - ښادۍ، دود - دستور، لرغوني اثارو، ټولنیز- کلتوري او ټولنیز- اقتصادي ژوند د هم هغو کلیو د اوسېدونکو او بېلا بېلو کتابي حوالو په بنیاد بیانوي او د دې کلیو د خلکو وړې لویې ستونزې هم د راډیو په وسیله واکدارانو ته رسوي.

دا خپرونه خپل یو مزاج او جوړښت لري او هر ځل په کې د یوه نوي کلي، نوې - زړې خبرې په نوي انداز بیانېږي چې لرې، لرې پرتو زیاتره پښتنو ته ځېنې خبرې او دودونه نوي او په ځېنو کې بیا ورته د خپل کلي انځور ښکاري.

زما کور، زما کلی خپرونه د مشال راډیو شاهین بونیری جوړوی او تاسې هره اوونۍ، د اتوار و ګل (یکشنبې او دوشنبې) په ورځ د هغو کلیو په سفر بیايي چې ډېری کسان یې نه نوم پېژني او نه یې هم د چینو، غرونو، پټیو او چینارونو پر لار کله تللي وي!!

د ځوانانو غږ

د ځوانانو غږ خپرونې پاڼې ته ښه راغلاست.
 
په دې خپرونه کې د ټولو پښتنو ځوانانو په لاس ته راوړنو، ستونزو، او غوښتنو له ځوان کول سره خبرې کېږي.
 
د دې خپرونې له مرکزي نکتو یوه دا هم ده چې د ترهګرۍ ضد جګړې کې د دې ځوانانو رول څه دی؟ دوی د پښتنو په سیمه په روانې جګړې څومره اغېزمن کړي دي؟ او دوی ته یې څومره تاوان رسولای دی؟
 
له دې پرته، د ځوانانو غږ د ټولو پښتنو سیاسي، ادبي، اقتصادي او ټولنیزو نظریاتو ته هم ګوري او په دې موضوع هم څېړنې کوي چې هغه څه لاملونه ول (او یا دي) چې ځینې پښتانه ځوانان یې د سختدریځۍ پر لوري بیولي دي؟
 
دا خپرونه، د ځوانانو هغو غورځنګونو ته هم ګوري چې له لارې یې دوی په خپلو سیمو کې سیاسي، اقتصادي او د ټولنیزو بدلونونو راوستو هڅې کوي.
 
د ځوانانو غږ خپرونه د مشال راډیو اسرار عالم مومند جوړوي او تاسې د دې خپرونې ټولې تازه او پخوانۍ برخې پر دې پاڼې اورېدای شئ.

د مشال تر رڼا لاندې

نهه ساعته راډیويي خپرونې - سهارنۍ خپرونه

سهارنۍ خپرونه

په دې خپرونه کې تر خبرونو وروسته بېلا بېل رپورټونه، شننې او تبصرې اورېدای شی . د خپرونې په وروستیو پینځلسو دقیقو یا منټو کې یوه ځانګړې خپرونه خپرېږي.

د نړۍ رنګونه

د نړۍ رنګونه خپرونې پاڼې ته ښه راغلاست.

د نړۍ د عجیبو خبرونو، انټرنیټي دنیا، فلمونو او د نړۍ له ګوټ ګوټه بېلا بېلې، او رنګا رنګې کیسې او مالومات په دې خپرونه کې اورېدای شئ.

دا خپرونه هره اوونۍ د چارشنبې او شنبې (شورو او خالي) پر ورځو له مشال راډیو خپرېږي.

خپرونه د مشال راډیو ګل ایاز جوړوي.

(د نړۍ رنګونه) ټولې تازه او پخوانۍ خپرونې پر دې پاڼې موندلای شئ.

اسلام او الازهر

د اسلام او الازهر خپرونې پاڼې ته ښه راغلاست.
 
دا خپرونه د مشال راډیو یوه ځانګړې خپرونه وه چې په کې د منځلاري اسلام د پرمختګ، ودې او دودولو لپاره د مصر د تاریخي الازهر پوهنتون پر لور بحث شوی وو.
 
د دې خپرونې په پینځو برخو کې د الازهر پوهنتون پر تاریخ، نصاب، رسنیزو فعالیتونو، د مذهبي او عصري زده کړو نظام، منځلاري اسلام، او په افغانستان او په پاکستان کې د مذهب په نوم د پیدا شوې سختدریځۍ په لاملونو، او د دې سختدریځۍ د ختمولو پر لارو چارو بحث شوی دی.
 
د دې خپرونې د جوړولو لپاره د مشال راډیو احمد شاه اعظمي مصر ته لاړ او هلته یې د الازهر پوهنتون له استادانو او زده کوونکو سره خبرې وکړې.
 
د دې خپرونې ټولې پینځه (۵) برخې تاسې پر دې پاڼه اورېدای شئ.

کوچیان

د (کېږدۍ، کېږدۍ) خپرونې پاڼې ته ښه راغلاست.

کېږدۍ، کېږدۍ د مشال راډیو اوونیزه خپرونه ده چې د کوچیانو د ژوند، سفرونو، ستونزو، دودونو، د دوی پر تاریخي ارزښت او اقتصاد بحث کوي.

دا خپرونه ځکه هم ځانګړی حیثیت لري چې په ډېره مفصله توګه د کوچیانو د ژوند شا و خوا هر اړخ نه یواځې له همدو کوچیانو، بلکې له وګړپوهانو، ټولنپوهانو او تاریخپوهانو سره څېړي.

د دې خپرونې لپاره د مشال راډیو خبریالان په بېلا بېلو سیمو کې له کوچیانو سره خبرې کوي، او بیا خپرونه درته حسیبه شهید تیاروي.

د خپرونې ټولې تازه او پخوانۍ برخې پر دې پاڼې اورېدای شئ.