د لاسرسي ځای

تازه خبر

اشرف غني احمدزی او عبدالله عبدالله هوکړې ته ورسېدل


ډاکټر اشرف غني احمدزي او ډاکټر عبدالله عبدالله
ډاکټر اشرف غني احمدزي او ډاکټر عبدالله عبدالله

ډاکټر اشرف غني احمدزي او ډاکټر عبدالله عبدالله د جمعې په ورځ په کابل کې وویل چې دوی په دې اړه یوه ګډه اعلامیه لاسلیک کړېده. پر دې مهال د امریکا د بهرنیو چارو وزیرجان کېري هم موجود وو.

د افغانستان د ولسمشرۍ دواړو نوماندانو اعلان وايي چې دوی یو داسې هوکړې ته رسېدلي چې په راتلونکي کې به په ګډه کار کوي.

ډاکټر اشرف غني احمدزي او ډاکټر عبدالله عبدالله د جمعې په ورځ په کابل کې وویل چې دوی په دې اړه یوه ګډه اعلامیه لاسلیک کړېده. پر دې مهال د امریکا د بهرنیو چارو وزیرجان کېري هم موجود وو.

د امریکا د بهرنیو چارو وزیرجان کېري دا هوکړه د یو افغاني لانجې لپاره افغاني حل لاره وبلله او ویې ویل چې په دې کې هیڅ شی هم د اساسي قانون پر خلاف نه دي.

اشرف غني احمدزي وویل ، ً د دې هوکړې له مخې به د افغانستان ثبات او سوکالۍ ته د دواړو ټیمونو له خوا په ګډه کار وشي او له مخې به یې د ملي یووالي حکومت رامنځته شي ً.

اشرف غني احمدزي وویل ، ً نن محترم ورور ډاکټرصاحب عبدالله او ما په مشترکې اعلامیه کې په ځینو بنیادي اساساتو باندې موافقې ته رسیدلي یً.

نوموړي زیاته کړه ، ً موږ هر اړخیز تفتیش ته ژمن یو. د ولس مقابل کې مو دا ژمنه کړې چې نتایج به منو بیا هم په ګډه د ملي وحدت یو حکومت جوړوو چې زموږ ملي برنامه به پلي کوي او ولس ته به مسووله وي.″

د اشرف غني احمدزي په وینا ، دا هوکړه تر نورو ټولو پروسو په دې ډېر ارزښت لري چې د افغانستان خلک به د پرمختګ پر لور یوسي.

ډاکټر عبدالله عبدالله وویل، ً په کار ده چې د افغانستان د سوکالۍ لپاره دواړه ټیمونه په ګډه کار وکړيً.

عبدالله عبدالله زیاته کړه چې د شوې هوکړې له مخې به د ولسمشرۍ د دواړو کاندیدانو ګډ اهدف په پام کې ونیول شي.

نوموړي وویل ، ً د افغانستان د ملي وحدت د لا پیاوړتیا په خاطر موږ یو بل سره دا ژمنه کړې چې انشالله یو ځای به کار سره کوو د افغانستان په خاطر او د افغانستان د خلکو په خاطرً.

ډاکټر اشرف غني احمدزي او ډاکټر عبدالله عبدالله وویل چې د شنبې له ورځې به د دواړو انتخاباتي ټیمونو د استازو ځانګړې کاري ډلې د شوې هوکړې د پلي کولو پر لار چارو پیل وکړي.

د امریکا د بهرنیو چارو وزیرجان کيري د دواړو کاندیدانو تر منځ د شوې سیاسي هوکړې هرکلی وکړ او ویې ویل چې امریکا د دې هوکړې کلک ملاتړ کوي.

XS
SM
MD
LG