منور شاه له ۲۰۱۰ز کال راهيسې د مشال رېډیو همکار دی. هغه د تعلیم په هکله اوونيزه خپرونه روښانه مستقبل هم وړاندې کوي.
په وروستیو کې په برما (میانمار) کې د کوکنارو کښت زیات شوی دی. له کوکنارو اپین (افیون) ترلاسه کېږي او هغه بیا د هېروینو یا پوډرو په استعمال کې کارېږي. ملګري ملتونه وايي چې په ۲۰۲۳ز کال کې په میانمار کې ۱،۰۸۰ ټنه اپین تولید شوي ول. د اې اېف پي له ویډیو جوړ رپورټ.
د عراق د کورواکه کردستان له سنجار سیمې ۱۰ کاله وړاندې د اسلامي دولت يا داعش وسلوالې ډلې سلګونه یزیدۍ نجونې تښتولې وې چې په شام او عراق کې د هغې ډلې له ماتې خوړولو وروسته یې ګڼ شمېر خپلو سیمو ته ستنې شوې دي.
بوسنیا و هرڅوګووینا (هرزېګووینا) په جنوب ختیزه اروپا کې پروت هېواد دی چې په ۱۹۹۰ز لسیزه کې جګړو ډېر ځپلی دی. د هغه هېواد اکثریت وګړي سني مسلمانان دي. د بوسنیا خلک وايي، د روژې هره ورځ د اختر په څېر په خوشالۍ لمانځي.
انسان له مودو راهیسې د الوت خوبونه لیدلي او ارمان یې هم کوي. ځینې شرکتونو په وروستیو کې دعوه کړې چې د انسان دا خوب یې ریښتیا کړی دی. په وروستیو کې د متحده عربي اماراتو په دوبۍ کې د انسان الوتنې سیالي شوې چې ګڼ خلک یې نندارې ته ورغلي ول. د رویټرز اژانس له ویډیو جوړ رپورټ.
د خیبر پښتونخوا په بېلابېلو برخو کې د تېرې اوونۍ بارانونو او واورې خلکو ته ځاني او مالي زیانونه اړولي دي. د بر دیر ضلعې اوسېدونکي وايي چې د ورښتونو پر مهال چترال ته تلونکې لاره هم تر څه وخت پورې تړل شوې وه.
په هند کې ګڼ کروندګر د خپلو غوښتنو لپاره په احتجاج دي چې پولیس ورباندې د اوښکې بهوونکي ګیس اچولو لپاره بې پیلوټه الوتکې کاروي. خو مظاهرچیان د ډرون نسکورولو لپاره باډیوې (پتنګ) او لیندې او د اورلوبې یا اتش بازۍ شیان کاروي. د رویټرز اژانس له ویډیو جوړ رپورټ.
د فبرورۍ پر ۲۷مه د احتساب عدالت جج ناصر جاوید رانا د قضيې اورېدنه د راولپېنډۍ په اډیاله زندان کې وکړه، چيرې چې عمران خان وار له مخه لا په ځينو نورو قضیو کې زنداني دی.
د پخواني وزیراعظم لور مریم نواز د فبرورۍ پر ۲۶مه د پنجاب د اعلا وزیرې سوګند پورته کړ. ه
د عراق د کورواکه سیمې کردستان پر کورک غره تر ډېرې مودې وروسته واوره ورېدلې نو ځکه ګڼ سیلانیان ورغلي دي او هلته مېلې کوي. له ښاري سیمو ورغلي سیلګري وايي چې طبیعي منظرې، واوره او غرونه خلکو ته سکون ورکوي. د اسوشيېټېډ پرېس اژانس له ویډیو جوړ رپورټ.
په پاکستان کې ډېری خلک له بېروزګارۍ او ګرانۍ شکایت کوي خو په ودونو کې د بېلابېلو مراسمو لګښتونه تر پخوا زیات شوي دي. په هغه هېواد کې د ناوې د جامو بیه تر لکونو روپیو رسېدلې
د چین په شېنجیانګ (سېنکیانګ) کې په هغه ډنډ کې د ماهیانو نیولو کلنۍ مېله روانه ده چې په ژمي کې کنګل کېږي. پر بوسټن نومي هغه ډنډ خلک ګرځي هم او کب نیوونکي پکې دوه سوري کوي چې بیا ورڅخه د لوی جال له لارې ماهیان نیسي. د رویټرز اژانس له ویډیو جوړ رپورټ.
په ایران کې د زرتشت (زردشت هم بلل کېږي) دین منونکي د ژمي په پای کې د سدې جشن لمانځي. هغې ورځې ته سده ځکه وايي چې د زرتشت دین منونکو په اند د پسرلي راتګ ته ۵۰ ورځې او ۵۰ شپې پاتې کېږي. د اسوشيېټېډ پرېس اژانس له ویډیوګانو جوړ رپورټ
د کابل په ګډون د افغانستان په بېلابېلو ولایتونو کې ورښتونه شوي دي. واورې د کابل ښار اوسېدونکو ژوند اغېزمن کړی دی خو ورسره ډېر خلک او په تېره ماشومان ډېر خوشاله دي. دوی وایي، په واوره کې هر ځای د لوبو په میدان اوړي چې خوند ورڅخه اخلي. د اې اېف پي له ویډیو جوړ رپورټ.
اوکراین او روسیه په روانه جګړه کې د یو بل پرضد بې پیلوټه الوتکې کاروي خو اوکراین یې له کمښت سره مخامخ دی. له کییف سره د واشنګټن او اروپايي ټولنې د مالي مرستو ژمنې لا هم بشپړې نه دي عملي شوې. نور د مشال راډیو د خبرونو د مرکزي څانګې له ویډیو په جوړ رپورټ کې.
زردالي د قرغیزستان له پلازمېنې بېشکیکه لیرې پرته ارامه سیمه ده چې شاوخوا ته یې لوړ غرونه دي او خلک یې ساده ژوند کوي. د زردالي اوسېدونکي وايي سړکونه او برېښنا نه لري خو د خرونو له برکته يې ژوند یو څه اسانه شوی دی. د مشال راډیو د خبرونو مرکزي څانګې له ویډیو جوړ رپورټ.
د پاکستان د احتساب یو عدالت پخواني وزیراعظم عمران خان او د هغه مېرمن بشرا بي بي ته د توشه خانې په قضیه کې د ۱۴، ۱۴ کلونو د بند او ورسره دواړو ته د يو ارب (مېلیارده) او ۵۷ کروړه روپۍ نغدي جرمانې سزا اورولې ده.
هندي او پاکستاني سرتېري له ۱۹۵۹ز کال راهیسې هر مازیګر پر اټاري – واهګه پولې د خپلو بیرغونو ښکته کولو ځانګړي مراسم ترسره کوي چې زرګونه خلک یې لیدو ته ورځي.
په لاتیني امریکايي هېواد پېرو کې فعالانو په ځنګلونو کې مېشتو سیمو لپاره په یوه لوړه ونه کې ښوونځی پرانیستی دی چې د ځمکې له سطحې ۳۲ میټره اوچت دی. په هغه سیمه کې خلک د ژوند اساسي اسانتیاوې نه لري. ماشومان او بالغان په هغه سکول کې نارسمي تعلیم ترلاسه کوي.
سازمان د جنورۍ پر ۲۴مه په بیان کې ویلي دي چې بلوڅ پرلتوال په اسلام اباد کې د "پاکستانیو چارواکو د وېرولو، ګرفتاریو او په حراست کې د ساتلو له کبله" د ماورای عدالت وژنو او جبري بې درکیو پرضد د خپل احتجاج ختمولو ته اړ شول. اخوا ماهرنګ بلوڅې د جنورۍ پر ۲۷مه په کوټه کې جلسه اعلان کړې ده.
په ارمنیا کې په جګړو کې د معذوره شویو پخوانیو پوځیانو د درملنې ځانګړي مرکز یو نوښت کړی دی چې له مخې یې مسلکي نڅاګرې له هغوی سره نڅا کوي. هغه پوځیان له اذربایجانیو سرتېرو سره د نګورنو قره باغ سیمې پر سر د نښتو پر مهال ژوبل شوي او معیوب شوي ول. د مشال راډیو د مرکزي څانګې له ویډیو جوړ رپورټ.
نور وښیئ