د لاسرسي ځای

د ترکیې په چاودنه کې د وژل شویو شمېر ۵۰ ته ورسېد


په ترکیه کې د واده په مراسمو کې له چاؤدنې وروسته امدادي کاروایانې جاري دی.

په ترکیه کې د واده په مراسمو کې له چاؤدنې وروسته امدادي کاروایانې جاري دی.

انقره - د ترکيې چارواکي وايي، د هېواد په جنوب-ختیځ کې د واده په مراسمو کې په شوې چاودنه کې د وژل شویو شمېر ۵۰ ته رسېدلی دی.

د سیمې ګورنر علي یرلیکایا وویل، د شنبې یا خالي پر ورځ په ګازيانتیپ ښار کې په شوي ترهګر برید کې ۹۴ کسان ژوبل شوي هم دی. دا ښار د شام له سرحده شاوخوا ۶۴ کلومیټره لرې پروت دی.

د ترکيې ولسمشر رجب طیب اردوغان وېلي، امکان دی چې دا برید اسلامي دولت وسله والی ډلې کړی وي. نوموړي زیاته کړې، په ترکيه کې د دا ډول بریدونو مقصد په نسلي او مذهبي بنیاد د خلکو پارونه ده.

هلته د ترکیې مرستیال وزیراعظم محمد سیم سیک ویلي، داسې ښکاري چې دا ((وحشیانه)) حمله یو ځانمرګي برید وی.

د دې برید ذمه واري لا هم چا نه ده منلی.

د ترکیې په جنوب–ختیځه سیمه کې کردان په اکثریت کې دي. په دې سیمه کې، په تېر یو کال کې یو شمېر خونړۍ چاودنې شوې دي.

په هغو چاودنو کې د ځېنو ذمه واري کرد بېلتونپاله وسله والو او د نورو یې د اسلامي دولت وسله والې ډلې منلې دي.

XS
SM
MD
LG