وزیرستانیان د پاکستان پوځ له امنیتي پوستو سر ټکوي
د شمالي وزیرستان اوسېدونکي وايي، خپلو کلیو بانډو ته د تګ راتګ پر مهال د پاکستاني پوځ پر امنیتي پوستو تر سختو کړاونو لاندې تېرېږي. د مشال راډيو له خبریال عمردراز وزیر سره په خبرو کې اندېښمنو وزیرستانیو ګیلې کولې چې د وطن کارډ په لرلو دوی پاکستاني پوځ سپین کړي هم دي خو له دې سره سره یې ماشومان، ښځې، سپین ږیري او نور په سلګونه خلک په ګنټو ګنټو کرۍ ورځ په سره لمر د سیدګۍ په ګډون پر نورو امنیتي پوستو د تلاشۍ ورکولو لپاره تېروي. دوی وايي له بنو تر شمالي وزیرستان ته د تلو مهال پر امنیتي پوستو بیا بیا له تلاشۍ ورکولو ډېر کړېدلي دي او غوښتنه کوي چې پر چېک پوستونو دې عمله ډېره کړل شي. یادګېرنه: وزیرستانیان وطن کارډ خپلو سیمو ته د تلو ویزه بولي.