د لاسرسي ځای

د هلمند والي وايي د دې ولایت لپاره د نوی پوځي پلان په عملې کېدو به د مرکز لشکرګاه شاوخوا په سیمو کې د حکومت وسله وال مخالفان وځپل شي.

حیات الله حیات د چارشنبې په ورځ مشال راډیو ته وویل وسله والو چې د هغه په خبره د سیمې استخبارات يې ترشاه دي،په تیر ژمې کې ډېره هڅه وکړه چې لشکرګاه ونیسي خو افغان امنیتي سرتیرو يې دا هڅه ناکامه کړه.

د لشکرګاه شاوخوا او د هلمند په مرکزي سیمو کې له میاشتو راهیسې د حکومت وسله وال مخالفان فعال دي او په هلمند کې په تیر ژمي کې د افغان امنیتي ځواکونو او طالبانو ترمنځ څو ځله سترې او خونړۍ جګړې شوي دي.

XS
SM
MD
LG