'په ګړد کلي مو یو سکول لرلو هغه هم وسله والو ونړاوه'
د پاکستان په قبايلي سيمه باجوړ کې د ښځو د حقونو او د ماشومانو نجونو د تعليم په برخو کې کارکوونکې يوه مېرمن وايي، د دوی په کليو کې د نجونو د تعليم سخت کمی دی. دا مېرمن چې نصيحت نوميږي، زياتوي چې دوی په ډېرو خوارو زارو په سيمه کې د نجونو يو سکول جوړ کړی وو، چې په خبره يې، وسله والو ورته ړنګ کړی دی. نوموړې دا څرګندونې د مشال راډيو له خبريال ځلاند يوسفزي سره په دې مرکه کې کړې دي.