د لاسرسي ځای

امیرمقام: د ۲۰۱۸ انتخاباتو کې به قبایل د پښتونخوا صوبې لپاره استازي ټاکي


انجینیر امیر مقام

د پاکستان د وزیراعظم سلاکار انجینیر امیر مقام وايي د ۲۰۱۸ م کال په انتخاباتو کې به قبایلو ته د خیبر پښتونخوا په صوبايي اسمبلۍ کې نمایندګي ورکول کېږي.

نوموړي د یکشنبې په ورځ مشال راډیو ته په مرکه کې وویل:

« دا د اصلاحاتو برخه ده چې په ۲۰۱۸ م کال کې به په فاټا کې عمومي انتخابات کېږي، او دا به د خیبر پښتونخوا د اسمبلۍ حصه وي. د فاټا نه منتخب شویو غړو ته به په کابینه کې هم برخه ورکول کېږي او د صوبې د مشر ( سینیر ) وزیر عهده به هم دوی ته ورکول کېږي. »

د قبایلي سیمو نقشه

د قبایلي سیمو نقشه

خو د فاټا سیاسي اتحاد عمومي سکرتر اقبال افریدی وايي مرکزي حکومت په فاټا کې د اصلاحاتو په اړه سنجیده نه دی او وخت په وخت دریځونه بدلوي، دوی کله د رواج ایکټ خبره کوي او کله بیا د ګورنر د اختیاراتو د زیاتولو غږ کوي. نوموړی وايي د فاټا نمایندګانو ته دې په قانون جوړونه کې اییني برخه ورکړل شي.

خو د وزیراعظم سلاکار امیر مقام وايي، لومړی ګام اخیستل ګران وي او حکومت دغه ګران کار کړی دی، نو پاتې ټولې ستونزې به هم د وخت په تېرېدو سره هوارې شي.

الحاج شاجي ګل په اسلام اباد کې یوې جرګې ته وینا کوي.

الحاج شاجي ګل په اسلام اباد کې یوې جرګې ته وینا کوي.

انجینیر امیر مقام د خالي په ورځ په پېښور کې د الحاج شاجي ګل په مشرۍ کې د فاټا د قومي اسمبلي او د سینیټ د استازو سره د لیدو پر مهال هغوی ته باور ورکړی و چې د فاټآ د اصلاحاتو په لړ کې به نور ګامونه هم اوچتیږي چې د قبایلي اولس په ګټه به وي.

XS
SM
MD
LG