د افغانستان د لوګر امنيه قوماندان وايي، د جمعې په ورځ په څرخ ولسوالۍ کې د روانو پوځي عملياتو په ترڅ کې اووه وسله وال وژل شوي دي.
عصمت الله عليزي د جمعې په ورځ مشال راډيو ته وويل، په دغو عملياتو کې ځينې وسلې او مهمات هم د افغان ځواکونو لاس ته ورغلي دي.
د لوګر چارواکي وايي په څرخ ولسوالۍ کې د روانو پوځي عملياتو په نتيجه کې چې درې اوونۍ يې پوره شوي او شاو خوا ٢٢ وسله وال وژل شوي ، ١٠ تنه يې زخمیان شوي او څلور تنه يې نيول شوي دي.
د لوګر امنيه قوماندان وايي، دغه پوځي عمليات به تر هغو دوام کوي چې په دې ولسوالۍ کې د وسله والو فعاليتونه ختم شوي نه وي.