د بې پولې خبریالانو ټولنې په افغانستان کې د ښځینه خبریالانو ژغورنې لپاره یو مرکز جوړ کړی دی.
افغانستان د ښځینه خبریالانو لپاره له شامه وروسته په نړۍ کې دویم خطرناک هیواد ګڼل شوی دی.
د پرانستل شوي مرکز هدف دا دی چې د کار پر وخت د ښځینه خبریالانو لپاره د ښو کاري شرایطو او حقونو لپاره هلي ځلي وکړي او د توپیري چلن پر ضد مبارزه وکړي.
د یاد مرکز مشرې فریدې نیکزاد ویلي ، دوی به د دې فکر بدلولو لپاره هم کار کوي چې ګواکي خبریالي د مېرمنو کار نه دی.
نوموړې زیاته کړې چې د دوی مرکز به په جنګي سیمو او هغو خبري سازمانونو کې د مېرمنو د حقونو ملاتړ کوي د کوم لپاره چې هغوی کار کوي.
نوي پرانستل شوي مرکز ویلي چې په افغانستان کې له ۲۰۰۲م کاله راهیسې څلور ښځینه خبریالانې له هم دې د امله خپلوانو وژلې دي او دیارلس بیا له ۲۰۰۱ لومړي کاله راهیسې له کورنیو بهر خلکو وژلې دي.