د لاسرسي ځای

کاپیسا کې افغان ځواکونه د لسګونه وسله والو وژلو ادعا کوي


په افغانستان کې د دفاع وزارت د ۲۰۱ سېلاب قول اردو چارواکي وايي، کاپیسا ولایت کې د سلو په شااوخوا کې وسله‎وال وژل شوي دي.

د دې قول اردو ویاند شیرین فقیري مشال راډیو ته وویل، دا وسله‎وال د تګاب او نجراب په ولسوالیو کې د روانو عملیاتو په ترڅ کې وژل شوي دي.

ښاغلی فقیري وايي:

"د وسله‎والو ۱۰۰ تنه وژل شوي دي. په وژل شویو کې شپږ قوماندانان چې مهم مسؤلیتونه‌یې لرل هم شامل دي. ۶۰ تنه‌یې هم ټپيان شوي دي."

د فقیري په وینا په تګاب او نجراب کې د وسله‎والو د ځپلو عملیات یوه میاشت مخکې پیل شوي.

له سیمې څخه د مشال راډیو خبریال وايي چې وسله‎والو تر اوسه په دې اړه کومه تبصره نه‎ده کړې.

XS
SM
MD
LG