د لاسرسي ځای

’سر نننه له اېف سي آره بغاوت اعلانوو‘


د خېبر پښتونخوا خزانې صوبايي وزير وايي، سر له نننه د اېف سۍ ار له اجتماعي ذمه وارۍ څخه د بغاوت اعلان کوي. مظفر سيد دا خبره د سېشنبې ورځ د مومند اېجنسۍ په غلنۍ کې د ښځينه استادانو د يوې اتحاديې د لوړې مراسمو ته په وينا کې وکړه.

نوموړي وويل چې هغه به په دې لړ کې د خېبر پښتونخوا له ګورنر اقبال ظفر جګړا سره هم خبرې کوي. اېف سي ار يا فرنټيېر کرايمز رېګولېشن د ۱۹۰۱مکال راهيسې د هغه وخت د انګرېز واکمنانو لخوا پر فاټا تپل شوی و چې يو شمېر دفعې يې د پاکستان له ولسي قانون او بشري حقونو سره په ټکر کې دي.

په ورته وخت کې د خېبر پښتونخوا صوبې وزيراعلا پروېز خټک ويلي چې د دوی حکومت فاټا ته په قامي وسايلو کې برخې ورکولو ته تيار دی او غواړي چې ژر تر ژره قبايلي سيمې په خېبر پښتونخوا کې شامله کړل شي.

XS
SM
MD
LG