د افغانستان د حزب اسلامي مرکچي پلاوي مشر وايي چې ګوند یې له افغان حکومت سره د لاسلیک شوي تړون عمليکولو ټولو مادو ته ژمن دی.
امین کریم د نهې په ورځ په کابل کې په یوه خبري غونډه کې د ځینو هغو رسنیو اوازې په کلکه رد کړې چې ویلي ول ګوند يې نیت نه لري چې خپل وسله وال ګروپونه له منځه یوسي:
"حزب اسلامي سل په سلو کې د تړون مادو ته چې په هغه کې نظامي برخې له منځه وړل دي ژمن دی."
ښاغلي کریم که څه هم د چا نوم وا نه خیست، خو له ټولو ګوندونه یې وغوښتل چې خپل نظامي تشکیلات له منځه یوسي او د افغان ملي پوځ ملاتړ وکړي.
