په برسلز کې د ښځو د حقونو لپاره د ټرمپ په ضد لاريون او مظاهره
په برسلز کې شاوخوا يو زر کسان د جمعې په ورځ راغونډ شو او د “حقونو لپاره رڼاګانې” لاريون کې يې برخه واخيسته. ګډونوالو چې زياتره برخه يې ښځې وې د جنسيت غندنه وکړه او د امريکايي ولسمشر ډونلډ ټرمپ په ضد يې مظاهره وکړه. نن (شنبه) به هم د امريکا په سرښار واشنګټن ډي سي کې په زرګونه ښځې د ډونلډ ټرمپ په ضد د ښځو په لاریون کې برخه اخلي. دا ډول د نړۍ په يو شمېر نورو ښارونو کې به هم له ښځو سره د يووالي په تړاو لاريونونه تر سره کيږي.