په کولمبيا کې د يوې مساپر وړونکې الوتکې راغورځېدو له امله ۷۶ کسان وژل شوي دي. الوتکه تېره ورځ له مېډلين ښار دباندې نسکوره شوې چې د عملې نهه غړي هم پکې سپاره ول.
دغه الوتکې د برازيل يوې فوټبال لوبډلې شاپيکونسې لوبغاړي وړل چې په چارشنبه د سوهېلي امريکا جام پایلوبه کې ولوبيږي او لوبه ځنډول شوې ده.
په الوتکه کې د لوبډلې روزونکي، کارکوونکي او خبريالان هم موجود ول. له راپورونو سره سم په ژوندي پاتې شویو کې درې کسان د لوبډلې غړي دي.
د پيښې سوب تر دې دمه نه دی معلوم خو موسم ډېر خراب و او تېز باران او تالنده هم کېده.