د لاسرسي ځای

ځانګړی راپور: افغانستان کې د داعش زور او راتلونکی


داعش په افغانستان کې حافظ سعيد خان خپل مشر ټاکلی وو چې په ډرون بريد کې ووژل شو.

داعش په افغانستان کې حافظ سعيد خان خپل مشر ټاکلی وو چې په ډرون بريد کې ووژل شو.

افغان چارواکي وايي چې افغانستان کې يې داعش سخت ځپلی خو څيړونکي او د پارليمان وکيلان وايي چې د دې ډلې ګواښ بايد ساده ونه ګڼل شي. چارواکي او څيړونکي زياتوي چې په افغانستان کې داعش د افغان ځواکونو په عملياتو کې مهم قومندانان له لاسه ورکړي خو دا ډله لا هم پر ولسي وګړو د بريدونو توان لري.

د افغان پارليمنټ غړي خبرداری ورکوي چې په ننګرهار ولايت کې پوځي عملياتو او ډرون بريدونو کې د سختو زيانونولو ليدلو وروسته اسلامي دولت وسله والې ډلې يا داعش کونړ ته مخه کړې او هلته د ملګرو پيدا کولو په لټه کې ده.

په پارليمان کې د کونړ ولايت استازی او د کورني امنيت کميسون غړي حاجي سخي مشواڼي نن مشال ريډيو ته وويل چې د داعش د ګمارنې مخه بايد ونيول شي.

((داعش له اتلسو څخه تر پنځه ويشت کلونو په عمر هلکان لټوي او د ځان سره يې ملګري کوي. دا کار د کونړ او ننګرهار په بېلابېلو ولسواليوو کې روان دی. دوی په ډېرو هغو ځايونو کې ځانله ملګري پيدا کوي چې د حکومت پرې کنټرول نه لري.))

په عراق او شام کې د داعش مشر ابوبکر البغدادي

په عراق او شام کې د داعش مشر ابوبکر البغدادي

په شام او عراق کې د ابوبکر البغدادي تر مشرۍ لاندې داعش د ۲۰۱۵ کال په لومړيو مياشتو کې افغانستان او پاکستان د خراسان په نامه خپلې سيمې اعلان کړي او د پاکستاني طالبانو پخوانی مشر حافظ سعيد خان يې مشر او د افغان طالبانو يو مشر ملا عبدالرووف خادم يې مرستيال اعلان کړ.

داعش د ځينو نورو بريدونو تر څنګ لنډه موده وړاندې کابل کې د اتيا کسانو د وژنې د ځانمرګي بريد ذمع واري ومنله.

د افغان ولسمشر محمد اشرف غني يو وياند دوا خان مينه پال نن مشال ريډيو سره خبرو کې په ډرون بريدونو کې د سعيد خان او ملاخادم په شمول د ځينو نورو مهمو داعش مشرانو د وژل کېدو يادونه وکړه او وي ويل چې افغان امنيتي ځواکونو دغه ډله له پښو غورځولې ده.

((دوی ته په ولسي وګړو د بريدونو کار ورپاتې دی. دا ځکه چې پر ولسي وګړو حملې کول اسانه کار دی. موږ په ننګرهار او نورو ځايونو کې د جنګ په ميدان کې داعش ته سخته ماتې ورکړې ده.))

داعش په دې وروستيوو کې په کونړ او نورستان ولايتونو کې د ځوانانو د ملګري کولو هڅې کړې

د ناټو په وينا داعش په افغانستان کې خوا او شا دري زره وسله وال لري. د چارواکو په خبره دوی کې ډير يې پاکستانيان دي او پر ډيورنډ کرښه دواړو غاړو ته خو په ځانګړې ډول په ننګرهار، کونړ او زابل ولايتونو کې فعاله دي.

د افغانستان د سولې د مطالعاتو او شخړو د حل ادارې يو څيړونکی حکمت الله اعظمي وايي دغلته داعش ډله نه يوازې د افغان او بهرنيوو ځواکونو تر بريدونو لاندې ده بلکې د فکري اختلاف له وجې د طالبانو سره هم په جګړو کې ښکېل پاتې شوې خو بيا هم له منځه تلونکې نه ده.

پخواني داعشیان: پاکستان راته ویل چې افغان نظامیان ووژنئ (ويډيو)

حکمت اعظمي زياتوي: ((داعش ډيره خطرناکه ډله ده. دې کې شک نشته چې افغان ځواکونو د دې ډلې ډير مشران او وسله وال ووژل خو قوت يې په دې کې دی چې څومره کسان يې وژل شوي، همغومره نور يې نوي پيدا کړي دي. دوی د وسله والو ډلو له خپل منځيوو اختلافاتو ګټه اخلي او نور جنګیالي د ځان سره يو ځای کوي. دوی په دې هم پوهيږي چې افغانستان کې د خرابو سياسي او امنيتي حالاتو له وجې د کورنيوو او بهرنيوو جنګياليوو مېشته کېدل او له دې ځايه نورو ځايونو ته تګ راتګ په اسانه کيږي. دا ډله بايد جدي وګڼل شي.))

د اعظمي په خبره داعش وسله والې ډلې د پاکستاني طالبانو او شيعه مخالفې ډلې لشکر جنګهوي تر څنګ مرکزي ايشيا کې جنګېدونکې ډلې، ازبکستان اسلامي تحريک سره هم اړيکې پخې کړې دي. د دغه اتحاد له وجې د افغانستان لپاره د روسي ولسمشر استازي، ضمير کابلوف هم په دې وروستيوو کې په سيمه کې د داعش په موجوديت اندېښنه ښودلې وه.

بلخوا نوي ټاکل شوي امريکايي ولسمشر ډونلډ ټرمپ د خپل انتخابتي کمپاين پر مهال ويلي وو چې داعش به سخت وځپي.

ويډيو: ننګرهار کې له داعش څخه نيول شوي سنګرونه

XS
SM
MD
LG