د لاسرسي ځای

د افغانستان په فاریاب کې پوځي عملیات دوام لري


د افغانستان د فاریاب والي وايي، د دې ولایت او جوزجان ترمنځ د لوې لارې د امنیت د ټینګښت لپاره پراخ پوځي عملیات دوام لري.

سید انور سادات تېر ماښام مشال راډیو ته وویل د دې لوې لارې د امن کولو هدف په ارامه فضا کې له دې سیمې د لاجوردو د لارې د افتتاح د مراسمو لپاره زمینه برابرول او د دولت ضد وسله والو د فعالیت مخنیوی دی.

هغه وویل، د فاریاب او جوزجان ترمنځ د لورې لارې د امنیت لپاره چې له اووه ولسوالیو تېرېږي له تېرو ۲۰ ورځو راهیسې عملیات روان دي.

د نوموړي په وینا ټاکل شوې ده چې تر راتلونکو ۱۰ ورځو پورې په فاریاب کې د لاجوردو د لارې د پرانیستلو مراسم جوړ شي.

XS
SM
MD
LG