'اسلام اباد دې ګرفتار طالب مشران کابل ته وسپاري'
افغان حکومت وايي تر اوسه پورې پاکستان دوی ته په رسمي ډول د افغان طالب مشرانو د نيونې خبر نه دی ورکړی. د افغان ولسمشر محمد اشرف غني د وياند مرستيال دوا خان مينه پال مشال ريډيو ته وويل چې که د طالبانو درې مشران په بلوچستان کې نيول شوي وي، نو پاکستان دې يې افغانستان ته وسپاري. له نوموړي سره زموږ همکار، بشير ګواښ مرکه کړې او په سر کې يې ترې پوښتنه کړې چې په کوټه کې د طالبانو د نيول کېدو په اړه د افغان حکومت معلومات څه دي؟