برتانیا، د سوریې پرسر، روسیې ته د' ګوښه کړل شوي هېواد' ګواښ وکړ
د برتانیا بهرنیو چارو وزیر بوریس جانسن ویلي په سوریا کې پوځي عملیات له کبله روسیه د ګوښه کړل شوي هېواد له خطر سره مخامخېدلای شي. نوموړي د اکتوبر پر ۱۲مه نېټه د برتانیا ولسي جرګې (د ولسي استازیو جرګه یا لاندې اېوان) ته د هغې پراخې خواشینۍ په منځ کې دغه څرګندونې کولې چې د سوریې په حلب ښار کې د روسیې جنګي الوتکو د وروستي بمبار له کبله دي. روسیه وايي چې دوی یوازې ترهګر په نښه کړي خو داسې ګڼ راپورونه دي چې روغتونونه یې په نښه کړي لو په سلګونه ولسي وګړي یې وژلي دي. (رویټرز)