د ننګرهار د والي ویاند عطالله خوږياڼي مشال راډيو ته وویل، دغه داعش جنګیالي تېره شپه په هسکه مینه او نازیانو ولسوالیو کې د بهرنیو ځواکونو د بې پيلوټه الوتکو په بریدونو کې وژل شوي دي.
نوموړی وايي دغه هوايي بریدونه د شفق سیلاب په نوم د پیل شوو عملیاتو په ترڅ کې شوي چې د هسکې مینې ولسوالۍ په هارون بابا سیمه کې ۳۱ او درې نور د نازیانو ولسوالۍ په باره خیلو سیمه کې وژل شوي.
داعش وسله والو ددې عمليات په تړاو رسنیو ته څه نه دي ويلي .
