د لاسرسي ځای

په روس کې امريکايې ډيپلوماټانو ته د نشيي موادو ورکونې واشنګټن اندېښمن کړی.


يوه باخبره امريکايې سرچينې ويلي، دغه ډيپلوماټان چې نشيي مواد ورکړل شوي په کنفرانس کې د ګډون لپاره سنټ پيترز بورګ ته تللي وو.

د امريکا دوه سفارتکارانو ته تېر کال هغه وخت د روسپه سنت پیترزبورګ ښار کې نشيي مواد ورکړل شوي وو چې هلته په یوه نړیوال کنفرانس کې د ګډون لپاره ورغلي وو.

يوه باخبره امريکايې سرچينې ويلي، دغه ډيپلوماټان چې نشيي مواد ورکړل شوي وو په هغه کنفرانس کې د ګډون لپاره تللي وو چې د نوامبر له دوهمې تر شپږمي ڼيټې د کرپشن پر ضد د مبارزې په لړ کې د حکومتونو کردار د بحث کولو لپاره جوړ شوی وو.

دا مالومات هغو سر چينو د مشال راډیو انګلسي څانګې ته ورکړي چې له دې پيښې خبر دي.

دا پېښه چې د یوه هوټل په بار کې شوې وه د امریکا د بهرنیو چارو وزارت چارواکي يې ډېر اندېښمن کړي دي.

چارواکي باور لرې چې دا کار په اصل کې د امريکاييې سفارتکارانو د ځورولو د لړی برخه وه.

د امریکا د بهرنیو چارو وزارت یوه باخبره سرچینه وايي چې دې وزارت خپله اندېښنه په ډېره خاموشی سره ماسکوته سپارلې وه او تر هغو غلي پاته شو ی وو چې درې مياشتې وروسته بيا يوه بله پيښه رامنځ ته شوه.

چارواکي باور لرې چې دا کار په اصل کې د امريکاييې سفارتکارانو د ځورولو د لړی برخه وه.

دغه بله پيښه سږ کال د جون په مياشت کېهغه وخت وشوه کله چې يوه روسي ژغورونکي په ماسکو کې د امريکا پر يو سفارتکار حمله وکړه.

د امریکا د بهرنیو چارو وزارت وايي، د امريکايې ډيپلوماټانو د ځورولو دا لړۍ له تېرو دوو کلونو را هيسې روانه ده.

د مشال راډيو د يوې پوښتنې په ځواب کې د امريکا د بهرنيو چارو وزارت وويل چې دغه شان ځوروني له ۲۰۱۴ کاله راهيسې زياتې شوې دي.

دې سرچينې د نوم نه په ډاګه کولو په شرط زياته کړه چې امريکا دا ستونزه په نړيواله کچه راپورته کړې ده او له نړيوال قانون سره سم به د خپلو ډيپلوماټانو د خونديتوب موضوع راپورته کولو ته دوام ورکړي.

کله چې تېرکال امريکا روس ته په دې اړه شکايت وکړ نو ماسکو هم په ځواب کې دا شکايت وکړی چې د دوی له ډيپلوماټانو سره هم په امريکا کې دغسې چلند کېږي.

د امریکا د بهرنیو چارو وزارت وايي، د امريکايې ډيپلوماټانو د ځورولو دا لړۍ له تېرو دوو کلونو را هيسې روانه ده.

د روس د بهرنیو چارو وزارت ویاندې ماریا زاخارووا د جون په ۲۸ نيټه په ماسکو کې د خبرې غونډې پر مهال وويل چې د دوی سفارتکاران هم له سي ای اې او د پلټنې له فېدرالي ادارې ایف بي ای څخه د پارونې او نفسیاتي ځورونو شکايت لري.

نوموړې زياته کړه چې ډيپلوماسي په متقابلې معاملې ولاړه وي او چې څومرې امريکا اړيکو ته زيان رسوي هغومرې به د امريکا سفارتکارانو ته په روس کې کار کول ګران شي.

د امريکايې د خبريالانو او سفارتکارانو د ځورولو دا لړۍ ان د پخواني شوروي اتحاد په وخت کې هم وه.

XS
SM
MD
LG