د لاسرسي ځای

هند په اسلام اباد کې د سارک غونډې ته نه ځي


د هند حکومت وايي چې په پاکستان کې د جنوبي اسیا سیمه ییزې همکارۍ ټولنې "سارک" په کېدونکې غونډه کې به ګډون نه‎کوي.

د هند بهرنیو چارو وزارت د سېشنبې ورځ په یوه خبرپاڼه کې وویل، په سرحدي سیمو کې د ترهګرو بریدونو او د سیمه ییزې همکارۍ سازمان په غړیو هېوادونو کې د لاسوهنو له امله په اسلام‎اباد کې غونډې ته نه ورځي.

په خبرپاڼه کې د هېواد نوم اخیستو پرته خو نوي ډيلي پر پاکستان تور پورې کوي چې په خپله خاوره کې یې وسله‎وال پاللي او په هندي کشمیر کې پر پوځي اډه په وسله‎واله حمله کې چې ۱۸ تنه پکې ووژل شو، لاس لري.

د پاکستان بهرنیو چارو وزارت ویلي چې اسلام‎اباد د سولې ټینګښت ته ژمن دی.

وړاندې ټاکل شوې وه چې نریندرا مودي په اسلام اباد کې غونډې ته ورشي.

افغانستان، هند، بنګله‎دیش، بوټان، نیپال، مالدیف او سریلنکا د جنوبي اسیا سیمه ییزې همکارۍ سازمان سارک غړي دي.

XS
SM
MD
LG