اسراییلي وزیراعظم بنیامین نتن یاهو د ملګرو ملتونو پر غړو هېوادونو غږ کړی چې د هغه هېواد مخالفت دې پای ته ورسوي.
نوموړي بېګا د ملګرو ملتونو عمومي جرګې کلنۍ غونډې ته په وینا کې وویل، یوازې یو پیغام لري چې خپلې وسلې کېږدئ ځکه چې ((په ملګرو ملتونو کې د اسراییلو پر ضد جنګ پای ته رسېدلی دی.))
نتن یاهو په خپلو خبرو کې د ایران حکومت د ((ترهګر رژیم)) په نوم یاد کړ او زیاته یې کړه چې هېواد به یې هېڅکله هم تهران د اټومي وسلو جوړولو ته پرېنږدي.