د پاکستان بهرنیو چارو وزارت ویاند نفیس زکریا تېر ماسپښين په اسلام اباد کې په خبري غونډه کې یو ځل بیا وویل چې بې له توپیره یې د ټولو وسله والو پر ضد عملیات کړي.
نفیس زکریا دا خبرې پر داسې وخت وکړې چې په وروستیو کې د امریکا کانګرس دوو غړو له حکومته وغوښتل چې پاکستان دې د ترهګرۍ ملاتړي هېواد په توګه ونوموي.
په عین وخت کې هند او افغانستان هم پر پاکستان د وسله والو ډلو د ملاتړ تور پورې کړی چې اسلام اباد یې ردوي.
