د لاسرسي ځای

کندوز کې د طالبانو پر ضد د عملياتو دوهم پړاو پيل شو


افغان ځواکونه

افغان ځواکونه

افغان چارواکي وايي چې په کندوز ولايت کې يې د وسله والو د ختمولو لپاره د عملياتو لومړۍ برخه په برياليتوب سره پای ته رسيدلي او اوس يې دوهم پړاو پيل شوی دی.

د افغان پوځ مرستيال مشر جنرل مراد علي مراد پرون کندوز کې يوې غونډې ته وويل چې په ټولو ولسواليوو کې يې پوځيان ځای پر ځای کړې تر څو د طالب وسله والو د حرکت مخه ونيسي.

جنر مراد زیاده کړه: ((دغه عملیات موږ په هغې سیمه کې پیلوو چې هلته موږ خپل هدف ټاکلی دی او غواړو چې خپل ټاکل شوي هدف ته ځان ورسوو او دوه ورځې وروسته د دې عملیاتو پایلې موږ مطبوعاتو ته وړاندې کوو.))

هغه وویل چې د دې ولایت خلک کولای شي، د کندز هر کلي او هرې ولسوالۍ ته په ډاډه زړه تګ راتګ وکړي.

چنرل مراد علي مراد

چنرل مراد علي مراد

مراد په دې اړه داسې وویل: ​"د کندز خلکو ته ډاډ ورکوم چې سږ کال به دوی لوی اختر پرته له کومې وېرې د امن په فضا کې ولمانځي او زه د کندز خلکو ته اطمینان ورکوم چې دوی له خوښیو ډکې ورځې په مخ کې لري.​"

بل‌خوا د کندز ولایت اوسېدونکي او یو شمېر مدني فعالان بیا وايي چې د روان کال له پیل څخه دا څوم ځل دی چې په دې ولایت کې د طالبانو د ځپلو په هدف تصفیوي عملیات پیلېږي خو د دوی په خبره ستونزه دا ده چې کله امنيتي ځواکونه له يوې سيمې ووځي، هلته طالبان راشي.

د نوموړي ولایت یو تن مدني فعال هدایت‌الله همدرد وايي: (( د طالبانو پر ضد جدي ګامونو اخيستلو ته ضرورت دی.))

​په دې وروستيوو کې په کندوز ولايت کې د طالبانو د پرمختګ راپورونه راغلل چې د افغان چارواکو په خبره امنيتي ځواکونو يې پر ضد بيړني ګامونه واخيستل.

XS
SM
MD
LG