د لاسرسي ځای

پاکستاني سوداګرو افغانستان ته تجارت بند کړی دی


دې وروستيوو کې د افغانستان او پاکستان ترمنځ تجارت ډير خراب شوی دی

دې وروستيوو کې د افغانستان او پاکستان ترمنځ تجارت ډير خراب شوی دی

پاکستاني سوداګر وايي چې د خپل هيواد د يو نوي قانون له وجې يې د افغانستان او ايران سره تجارت بند شوی دی. د دغه کار له وجې له تېرو دوو ورځو راهيسې له پاکستانه يادو دوو ګاونډي هيوادونو ته مالونه نه دي تللي.

د بلوچستان په سرښار کويټه کې د تجارو د اتحادیې مشرانو ویلي دي چې دپاکستان د مرکزي حکومت له لوري سوداګرو ته حکم شوی چې د ستمبر له لومړي تاريخ څخه دې په سرکاري بانک (سټيټ بينک آف پاکستان) کې د اي – اکاونټ په جوړولو سره تجارت کوي.

خو سوداګر وايي دا کار ځکه ناممکنه دی چې پاکستان د افغانستان او ايران سره بانکي تړون نه لري نو د دوی مالونه ځکه ولاړ پاتې دي.

کويټه کې د سوداګرو د اتحاديې يو مشر عالمګير دراني په دې اړه نن مشال ريډيو ته وويل چې ايران د پاکستان سره د نړيوالو اقتصادي بنديزونو له کبله د بينکونو تړون نه لري.

نوموړي زياته کړه: (( د اقتصادي بندیزونو د پورته کیدو ورسته پاکستان ته پکار وو چې ايران سره يې له بينکونو څخه د راکړې ورکړې تړون بيا سم کړی وای. بايد تر هغې وروسته يې له موږ څخه د اي ـ اکاونټ جوړولو غوښتنه کړې وی.))

سوداګر غوښتنه کوي چې لومړی دې د پاکستان حکومت د افغانستان او ايران سره د بينکونو تړونونه وکړي ځکه چې که دغسې معاهدې موجودې نه وي نو پاکستاني تجارانو د غو هيوادونو سره د هغې لارې سوداګري نه شي کولی چې حکومت يې غواړي.

يو سوداګر حاجي فتح خان بیانزي وويل چې د بينک له لارې په تجارت کې د سوداګرو ګټه ډيره ده. ((بينک راته ډالر په ۱۰۳ روپۍ راکوي خو په بازار کې ډالر په ۱۰۸ دی. نو دا زموږ لپاره ښه ده خو اوس د بينک له لارې تجارت کول د دغو هيوادونو تر منځ د تړونه د نښتوالي له وجې ناممکنه دی.))

ويډيو: د چمن - سپين بولدک لارې تړل کېدو هم د دواړو خواوو تجارانو ته مالي زيانونه اړولي

XS
SM
MD
LG