د لاسرسي ځای

د افغانستان د استخباراتو اداره (NDS) په خپله ننۍ خبرپاڼه کې وايي چې جلال اباد کې تښول شوې اسټريلوي کيترين جېن ويلسن يې په ځانګړو عملیاتو کې ننګرهار ولایت کې له تښتوونکو خوشې کړې ده.

د اسټراليا د بهرنيو چارو وزيرې جولي بيشپ هم تاييد کړې چې د اسټراليا دغه خيريه کارکوونکې په خوندي توګه خوشې کړاى شوه. هغې په دې لړ کې مرسته کوونکو افغان چارواکو هم مننه کړې خو د جېن ویلسن د خوشي کېدو د څرنګوالي په اړه يې نور وضاحت نه دی ورکړی.

ویلسن د اپرېل مياشتې په وروستيو کې د ننګرهار ولايت له مرکز جلال اباد څخه تښتول شوې وه.

د يو بل خبر تر مخه د افغانستان د ننګرهار ولايت چارواکي وايي چې نن سهار شاوخوا درې بجې د چپرهار ولسوالۍ په سپین جومات او شین کندي سيمو کېد کورنيو ځواکونو د هوايي او ځمکني بريدونو په ترڅ کې ۷۶ تنه وسله وال طالبان وژل شوي او ۳۷ تنه يې ټپیان شوي دي.

د ننګرهار د والي وياند عطاالله خوګياڼي مشال راډيو ته نن وویل چې دې عملياتو کې د وسله والو مرکزونه په نښه شوي دي.

بلخوا طالبانو رسنيوو ته ليږلې ايميل کې يوازې د خپلو پنځوو کسانو د وژنې تاييد کړی دی.

XS
SM
MD
LG