فاټا اصلاحات په څوارلسم اګست ولې اعلان نشو؟
د قبايلي سيمو د ممکنه انتظامي او قانوني حیثيت بدلولو په اړه د پاکستاني وزيراعظم له لوري جوړې شوې کمیټۍ خپل بشپړ راپور نواز شريف ته لېږلی دی او داسې انګېرل کېده چې دغه اصلاحات به په څوارلسم اګست اعلان شي خو داسې و نشو. دا چې ولې و نشو او د اصلاحاتو په ځنډ کې خنډ څه دی.؟ دا او ورسره نورې پوښتنې د مشال تر رڼا لاندې بحث کې څېړل شوې دي. د قامي اسمبلۍ غړی حاجي شاه جي ګل، له باجوړه د قامي اسمبلۍ پخوانی غړی، د فاټا سياسي اتحاد پخوانی او د قبايلي سيمو لپاره د پيپلز ګوند اوسنی مشر اخوندزاده چټان او د فاټا وکيلانو اتحاديې يو مشر اعجاز مومند د بحث مېلمانه او عبدالحی کاکړ يې کوربه دی.