د لاسرسي ځای

په پېښور کې افغان کونسلګري وايي، چې تر اوسه نږدې۴۰ زرو پورې رجسټرډ افغان کډوال او ۵۰ زره نا رجسټرډ کډوالخپل هېواد ته ستانه شوي دي.

د افغان کونسلیت په وينا چې نور کډوال هم ستنېدونکي دي او دوی ته به د ملګرو ملتونو نړيوالې ادارې لخوا امدادي رقم هم ورکړل کېږي.

په پېښور کې د افغان کونسلګرۍ د معلوماتو تر مخه له جولای مياشتې تر اوسه د پېښور او تورخم له لارې شاوخوا تر يو لکو زیات افغان کډوال خپل وطن ته ستانه شوي دي.

په پېښور کې د افغان کونسلګرۍ ویاند عبدالحميد جليلي مشال راډیو ته وويل چې پر تورخم دروازه شخړې وروسته د افغان کډوالو ستېندو لړۍ تېزه شوې دي چې پکې له وړوکي اختر وروسته تر اوسه اوسط له څلور تر پنځو زرو پورې کډوال هر ورځ افغانستان ته لېږل کېږي.

د عبدلحميد وينا تر مخه له دغه ستانه شویو افغان کډوالو سره مالي مرستې هم کېږي او رجسټرډ او نا رجسټرډ کډوالو ته د رسېدو لپاره يو فلېټ هم ورکړل کېږي.

د ملګري ملتونو د کډوالو نړېوالې ادارې (يو اين ايچ سي آر ) وياندې دنيا اسلم خان مشال راډیو ته وويل چې د دغه ادارې لخوا کډوالو ته ستنېدو لپاره له ۲۰۰ډالرو تر ۴۰۰ډالره امداد ورکول کېږي.

د دنيا اسلم خان په وينا چې د (يو اين ايچ سي آر) لخوا له امدادي رقم سره سره دغه کډوالو ته د مختلفه مسلو په اړه مالومات همورکول کېږي.

عبد الحميد جليلې زياته کړه چې په پېښور او خېبر پښتونخوا کې افغان زده کوونکو ته د تعليم په اړه کومې استونزې رامخې ته دي پر هغو د افغان کمېشنريټ او له صوبايي حکومت سره خبرې اترې روانې دي.

تبصرې ښکاره کړئ

XS
SM
MD
LG