خېبر پښتونخوا کې د پولیس سربازانو ورځ ولمانځل شوه
خېبر پښتونخوا کې د ترهګرۍ ضد مبارزه کې سرښندونکیو پولیس سربازانو ته د پېرزوینې په موخه د هغوی ورځ ولمانځل شوه. د دغه صوبې اعلا وزیر پروېز خټک وايي، چې په تېرو څو کلونو کې یې څه باندې ۱۳۰۰ پولیس سرتېري په ترهګرۍ کې وژل شوي دي. نوموړي وویل په پښتونخوا کې امن د قبایلي سیمو له امن سره تړلی دی او پکار ده چې د فاټا ولس د یوه ښه راتلونکې پرېکړه ژر تر ژره وکړل شي. له پېښوره د مشال راډيو خبریال شبیر جان ويډیو چې اېډيت یې ځلاند یوسفزي کړی.