د افغانستان بشري حقونو ادارو او فعالانو په وارسا کې د ناټو سرمشریزې له ګډونوالو غوښتنه کړې چې افغان حکومت د بشري حقونو ملاتړ ته وهڅوي.
د بشري حقونو خپلواک کمېسیون مشرې ډاکترې سیما سمر بېګا مشال راډیو ته وویل، له افغانستان سره د نړیوالو مرستو ملاتړ کوی خو حکومت باید انساني حقونو ته ژمن ملي امنیتي سرتېري وروزي: کټ
هلته د ښځو شبکې یوې مشرې بېګا مشال راډیو ته وویل، د ناټو سرمشریزې ته یې لیک استولی دی چې پکې غوښتنه شوې چې په افغانستان کې دې پر ښځو د تېري مخنیوي لپاره مرستې وشي.
ورسره په افغانستان کې د ازادو رسنیو ملاتړ ادارې (نی) د وارسا غونډې له ګډونوالو غوښتنه کړې چې د کابل پر حکومت ټینګار وکړي چې له خبریالانو سره د معلوماتو په شریکولو کې محدودیتونه ختم کړي او پر خبریالانو په تشدد کې ککړ کسان عدالت ته وړاندې کړي.