پاکستان کې د افغان کډوالو موده تر شپږ میاشتو وغځول شوه
په اسلام اباد کې د افغانستان سفارتخانې په خپل جاري شوي یوه بيان کې ویلي چې د چارشنبې ورځ پاکستان وزير اعظم نواز شريف په لارښوونه په دغه هېواد کې ميشت د افغان کډوالو د اوسېدو موده تر شپږ مياشتو پورې غځول شوې ده. نوې موده به د سږ کال دسمبر مياشتې تر ۳۱مې نېټې پورې وې چې د روانې جون میاشتې پر دېرشمه نېټه پای ته رسېږي. بلخوا د پېښور په بورډ بازار کې افغان کډوالو کاروباریانو مشال راډيو ته ویلي چې پولیس یې هره ورځ تنګوي او ځوروي. د مشال راډيو خبریال ځلاندیوسفزي ویډيو