تورخم لار نن سهار د تګ راتګ لپاره پرانستل شوه
دا لاره پنځه ورځې وړاندې هغه مهال وتړل شوه چې په تورخم کې د پاکستان لخوا د يوې نوې دروازې جوړولو پر سر د اختلاف له امله د دواړو لورو سرحدي ځواکونو تر منځ وسله والې نښتې رامنځ ته شوې. پاکستاني چارواکو نن سهار (شنبه) د تورخم لار نن سهار د مسافرو پر وړاندې د تګ راتګ لپاره پرانستل. د خېبر اېجنسې یو پولیټیکل محرر علي رضا نن سهار مشال راډیو ته وويل چې دوی ته له اسلام اباده امر شوی چې د تورخم دروازه دې د هر ډول تګ راتګ لپاره خلاصه کړل شي. په دې اړه د فرهاد شینواري ویډیو وګورئ.