د کراچۍ پوليس ادعا کوي چې له حساسه ادارو سره په ګډه کاروايۍ کې يې درې مشکوکه وسله وال د القاعده برصغير څانګې سره د اړيکو درلودوپه تور نيولي دی.
پوليس چارواکو د جمعې په ورځ پاکستاني رسنېو ته وويل چې نيول شوو مشکوکه وسله والو په ښار کې بېلا بېلې منصوبې جوړولې او د قبضې يې بارودي مواد، وسله او لاسي بمونه ترلاسه شوي دي.
پوليس وايي نيول شوي کسان د نورو پلټنو لپاره نامعلومه ځای ته منتقل کړی شوي دي.
